美的雪糕車

營業中

休息中

當日食完祥記後出黎，見到美的雪糕車，檔主仲話收工，二話不說就買兩杯，由於車身冇標價錢，當佢整完後，比錢果陣，佢同我講$26@2，我有點驚訝。 當我食完，再睇番旅遊書的時候，發現每杯一球只不過$6，兩個球先收$10(09年頭價錢)。收費十分不合理，有點比人呃既感覺，味道不是太特別，但係size就特別的細。 事實上，佢係可以加價的，但本人覺得加幅極不合理，未試過的朋友影相算喇~

相中呢位雪糕車叔叔做生意非常唔老實，一杯相中咁細的雪糕收我$13！！（直徑只有4cm, 同埋只係上半球）起初見佢係雪糕車，又有Openrice fans / TVB推介，便幫襯一下(我預咗佢出咗名一定會貴)，我們幫襯佢之前仲同佢有傾有講，佢仲話影完相先至過黎買啦。買雪糕前我們都有問佢有咩味，佢話有蜜瓜/朱古力/Vanilla……（四種），可以選擇，於是我叫了蜜瓜/朱古力/Vanilla，佢一開咗個雪糕箱俾我哋睇，嘩！佢所講的味道原來係Mixed埋在一個雪糕箱度（我唔係指一般三色雪糕的Mixed，而係混亂過扭計骰嗰種Mixed），所以佢係只會畢到四隻味嘅雪糕比我。畢上個雪糕筒之後，佢即刻講“$13啦！”，我起初都以為聽錯係$3杯（直徑只有4cm,同埋只係上半球），點知真係收我$13……，唉！錢收咗，雪糕又畢咗，……想退貨都唔得啦。食味只係好普通過普通的雪糕，威化筒係唔脆同無味的！我預咗佢會貴，Openrice fans話係$7（今年2月價），點知原來係$13，呢個經歷令我今次的美食之旅留下咗唯一一個污點！！就算係鉅記，咖喱全佢地出咗名， 都唔會咁樣做生意！呢位雪糕車叔叔咁做只會成為澳門飲

28-2-2009去媽閣「餵相機」, 離開前見到有位雪糕叔叔擺起「美的雪糕」檔,「雪糕癡」朋友「又」雙眼放光, 結果又買了一 cone ($7) 過口癮.雪糕係哈密瓜味, 滑度一般, 不過好香, 幾好食; 個 cone 就極「空心」脆口, 好似食米通, 好食.$7 一小杯, 唔平, 不過佢令我諗起童年時代雪糕的味道, 幾得意, 一試無妨的.P.S. 上0黎 Openrice 先知原來呢度 d 雪糕 cart 全澳門得返 3 架!?