美的雪糕車

那天在澳門，當我同太太行到媽閣廟。除立即被香火鼎盛的廟宇吸引住之外，太太也看中了一個現在於澳門才能夠見得返既古物。這就是手推雪糕車了。名為《美的雪糕》的古老小販手推車，吸引了不少遊客來看，來光顧。我們亦為了懷舊一下，就買一杯試試看。《美的雪糕》，說是兩位老人家自家製的雪糕。盛惠MOP20一個小 cone。係好唔抵食架啦，買來，當做網紅谷下流量，當係懷舊一下，也當係支持一下兩位不退也不休的老人家吧。拿上手的《美的雪糕》，是的的骰骰的，更是輕飄飄的。一舊仔的雪糕，真的是 "一口" 雪糕。雲呢拿味，質感比較粗，感覺同禮記的差不多。然而，一、兩口吃了，個 cone 裡面原來是空心的。亦即是說，只有頂頂的一舊仔雪糕。(咁就廿蚊)真係，咁就廿蚊。真係，當支持一下兩位不退也不休的老人家吧。…查看更多

澳門第一站，先去媽閣廟，呢度係澳門觀光嘅起點，肥髀對寺廟無興趣，但對廟門口嘅車仔雪榚檔就非常有興趣！仲趁我去影相時叫我朋友買比佢，佢話個伯伯將幾款唔同味道嘅雪榚炒埋一齊（可能係最早嘅炒雪榚），我食一啖，味道好甜，食唔出其他味！個脆筒唔係餅乾，係好像發泡膠好輕嘅！脆但唔好味！食係食風味！…查看更多

見好似好多好評.所以就專登去左食順便去埋媽閣廟今日有芒果同椰子味~芒果味椰子味都好好食吾係用機器做出黎既雪糕已經好難搵到~所以我覺得份心機~比起我平時食到個d好食多1百陪haa而且我地同個伯伯好好傾…查看更多

十二月上旬．晴雖然份量少（只一小球），又雖然佢幾貴（竟然要十蚊），但勝在好似幾新鮮，又時時供應不同的味道，所以每逢經過也會有興趣問一問。是日的是薄荷，味道甜甜的，有一點薄荷味‎。涼涼的口感，似乎跟夏天的感覺較適合。是的，我不大喜歡凍凍的天氣！…查看更多

來到澳門, 講到吃雪糕, 怎也要一提美的.這個雪糕車仔, 相當傳統, 就像澳門不少地方一樣, 保留住歷史的點滴. 味道方面, 沒有選擇, 只有是日精選.朱古力雪糕 $10: 8分, 是日的精選是朱古力, 是最近的生果不當做嗎? 不過朱古力也是愛甜的理想選擇. 吃落口是綿綿的, 不會太滑, 跟平日吃開的雪糕不太一樣, 但是我是喜歡的, 也值得支持.下次再見到這雪糕車, 希望吃到生果味.…查看更多

九月中旬‧晴來澳門，很多人也要說吃這個地道的雪糕。一個伯伯，一架車仔，好天曬落雨淋，真的辛苦了。問今天有什麼味道，原來是蜜瓜，也不錯，來一個。口感綿密，味道是蜜瓜香甜。當然不會是很天然的味道，而脆筒也不太脆，始終十元一球，不能苛求。份量小小的，對於我來說，剛好。…查看更多

記得電視都有介紹過，去過咁多次澳門都遇唔到呢個阿叔，今次見到真係要試下!叫咗一波三色雪糕，$20................食落去，冇乜特別，就算佢個selling point係新鮮生果製成都好，都唔值...... 真係試過就算!…查看更多

其實一直都想搵呢架雪糕車~~無意中就見到佢啦 ~老闆好NICE ~~ ( 佢又冇下面食家講到咁惡喎)佢主動問我地要咩味~~之後重介紹我地食咩味道~結果食左3色雪糕~有香芋,密瓜..重有一隻忘記了 味道還可以丫..雖然細細件好似唔抵食~不過一試無所謂 老闆之後重好好人~主動同我地影張大合照 ;D…查看更多

無咩特別而且十蚊得一淡~ 超貴一次就夠曬囉下次見到都唔會再食都未食過D咁貴GA雪糕放入口即刻無左食某品牌的雪糕筒/杯好…查看更多

昨日去澳門玩，經過福隆新街鉅記對出，見到有個叔叔賣緊好懷舊o既雪糕，口痕痕就想去幫襯。首先問佢有咩味，佢話有4種，最靚係芒果，咁我就話要一杯芒果，心諗點都唔會太貴，最多咪10蚊，點知俾錢時，佢話20蚊，我已經呆左，以為自己聽錯，我仲幾大聲咁話「20蚊咁貴？」叔叔仲答我「個個都咁買架喇，3杯平d，55蚊3杯。」我見又問左佢又畢左，咁就照俾錢，但一睇到那杯雪糕，只有半個乒乓球咁大，大風d都吹埋，我仲以為佢未畢完，點知......原來就係得咁多。仲有就係，我話要芒果，但出來嚟係50%芒果+50%其他味混合，講真，一來咁少，二來d味又mix埋，那半個乒乓球3秒就KO左，真係食唔出點解值20蚊，後來我去haagen-daz再食，都係20幾蚊，但個scoop起碼係呢個阿叔o既4倍。我唔可以話佢搵我苯，但我心裡真係有種好頂嘅feel，所以諗住上嚟話俾各位聽，先見到原來有唔少相似嘅食評，好後悔唔一早上嚟睇下先。我見有一篇係話喺媽閣廟對出買的，所以我唔知澳門係咪有好多架一樣嘅雪糕車，如果係，可能唔係個個都咁差嘅。…查看更多

我覺得老闆係騙子, 我見到佢手上攞住隻發泡膠柸, 我問佢雪糕幾多錢, 佢話$20, 其實都唔抵, 不過既然問左就買啦, 點知原來$20唔係一柸, 係一球, 仲要個球係細到離晒譜, 真係好嬲, 佢唔標價錢出來跟本有心呃人, 希望大家唔好再中招啦, 呢個雪糕普通到不得了, 留返QUOTA食其他美食啦!…查看更多

呢間野我食過兩次... 第1次食應該係一年前咯,,好好味!!雖然同其他雪糕無咩分別,,價$ 6元1個 前個月再食,,佢就收到12文1個,,..雪糕球唔大,,6文仲ok..但12就太貴..不過見人見至者,…查看更多

在手信街見到一架懷舊雪糕車，好奇下在無問到價錢下幫親，心想如此雪糕車，最多6-8蚊一個………雪糕車老闆仲好好人咁話，有三種口味，可以選晒三種，好食既介紹朋友再來幫親！我選了香芋+蜜瓜，點知正如下面既食評所講，真係一粒牛丸既大細，心想有無攪錯呀………更不可思議係我以為自己聽錯幾多錢下問了兩次，成為$18......一粒牛丸雪糕真係成為18大元！！！返HK再睇下食評，原來價錢一年內幾級跳，而家已經去到18蚊，下個月又唔知跳到幾錢啦！味道如何？坦白講真係未試真都已經食晒！$18一個咁既雪糕，如果閣下為懷舊、為影相……抵唔抵就見仁見智……不過本人就深感被「搵大笨」！！！…查看更多

朋友去左添發食翅...而果到又要一人一碗先可以比您坐,而我又冇興趣食 ! 唯有自己响附近閒逛 ! 行行吓見到呢檔雪糕車,諗住試吓啦 ! 果日得三種味選擇 !朱古力...香芋...雲呢嗱 ! 我就選左朱古力....點知...佢個死人雪糕球既SIZE係同一粒牛丸差不多大小 !仲要收我$13...有D被坤既感覺 ! 佢仲夠膽死一開始SELL我果陣話啊伯唔呃人既 !不過雖然係細舊左D....但都唔係話唔好食既 ! 不過個筒就唔食都罷 ! 淋滋滋既 !如想試吓自家制作既雪糕一試又無妨既 ! …查看更多

停泊在福隆新街的雪糕車，十分懷舊，檔主話雪糕是手制的，可惜細細個雪糕球，而且還加價了！雪糕味道無咩特別！檔主話去年他賣$10 今年至加價到 $13，睇回上一位的食評才知道之前賣$7，真唔老實呢！…查看更多