牛記咖喱美食

29-6-2026（Sun）晏晝，同老公喺酒店check out後，再行氹仔舊城區，我哋喺炮仗博物館行完後，就要食晏，老公男同事Z介紹呢間，我哋於是行嚟，嚟到時都full full地，搵到張枱坐低，安頓好行李，menu都未睇，亞姐就走嚟問我哋食乜？老公即打開一張相，問有冇呢樣？佢答有。咁落住呢樣先，我哋再諗。而首先要嘅係墨魚餅蟹黃撈麵，呢個張單係分成兩項，MOP51.00蟹黃撈麵, MOP36.00墨魚餅,合共MOP87.00。睇埋menu冇嘢吸引，就叫貼喺牆上嘅粥品。嚟到，睇見墨魚餅有4件唔算細，蟹黃撈麵份量亦適中，咁我哋食喇，墨魚餅爽口彈牙；蟹黃撈麵蟹黃夠鮮夠味，麵都正常爽口。4分而我哋要多個MOP108.00嘅鮑魚蟹黃粥，蟹黃都唔少，鮑魚有3隻，口感都係正常，而成個粥嘅味道都正常，冇乜驚喜。3分最後老公要埋MOP21.00嘅檸廉解膩。服務：除咗上面講落單之外，我哋入去時，個收銀企喺喥見到我哋入嚟都唔幫我哋開門，雖然唔係咩大客，亦唔係咩高級食肆，但有客人入嚟，幫客人開門應該係自然反應啩？2.8分環境同抵食係2.5分其他：亞姐print嘅單根本睇唔到幾錢，好心換色帶啦。…查看更多

朋友介紹呢間遠離遊客區嘅小店，裝修係平時茶餐廳裝修。🥵🥵🥵咖哩牛腩飯係呢度嘅招牌菜，但係食落太太太辣啦！係地獄魔鬼級別嗰種辣，係辣到會令人難受。至於肉方面，以牛筋為主，牛筋炆得好軟腍腍。牛腩唔多，比較肥。結論係除非你超級食得辣，否則冇辦法享受呢個咖喱，冇辦法品評佢嘅味道。👌🏼水蟹粥 粥嘅質地非常軟綿，基本上食唔到有飯粒嘅質感。味道方面，都食到少許海鮮嘅甜味。蟹嘅份量充足，蟹肉頗鮮甜。味道係符合預期嘅正常味道，係平時嚟澳門食蟹粥嗰種味道。👌🏼香煎墨魚餅 墨魚餅嘅質地非常彈牙，但係就炸得頗油。蟹黃撈麵嚟到嘅時候有啲嚇親，咁細碟嘅！一人食都唔係好食得飽嗰種。蟹黃嘅份量都唔算多，不過撈埋味道都夠，仲食到大閘蟹嘅膏蟹香味。👌🏼炸蝦多士炸得幾鬆脆香甜，不過連埋成隻蝦一齊炸，都有啲油。🤔蒜蓉炒時菜炒得非常多油，味道正常。57.00…查看更多

幾年冇嚟澳門～當然要發掘下有咩好食🤤牛記咖喱美食一直念念不忘～所以今次選擇左佢🙆🏻‍♀️叫得牛記咖喱美食～點可以唔叫咖喱牛腩咖喱牛腩都好大碟~ 入面仲有薯仔同牛筋不過覺得佢d汁太杰同埋真係好辣🥵辣到食唔到😩墨魚餅蟹黃撈麵 $84墨魚餅好彈牙，煎得都好香口D蟹黃比我想像中多好多~ 真係好好食～😍真係好想再食細水蟹粥 $96水蟹粥表面有d蟹油係表面入面有一隻蟹～以為佢會好香點知比d酒蓋過成碗粥d味成碗粥都係酒味，失望😢炸米通蝦球 $42大大粒蝦球，表面有米通炸到好香口🤤配埋酸甜汁真係越食越開胃😬…查看更多

📍牛記咖喱美食 (氹仔舊城區)氹仔舊城區布拉干薩街美景花園第一座37B號舖有2間分店 今次食嘅係喺氹仔 舊城區感覺上比較多居民少啲遊客見到啲街坊一坐低就叫咖哩湯麵🍜我哋即刻叫店員落一樣既單😆店員都有提醒我哋 佢哋嘅咖喱係人氣最就亦都比較辣 要小心喔•牛腩撈麵 $36超⋯⋯好⋯⋯味咖哩味好香 好濃郁 條條麵都掛哂汁牛腩牛筋都炆得好入味 好淋 😅無牙婆都食得都真係有啲辣喎 爽阿•香煎墨魚餅湯麵 $44食得出墨魚🦑粒粒 唔會成餅粉 剪得香口咖喱湯麵真係好濃味 下次可以試吓中辣 小辣比適溫和食比較舒服 但bu 都係鐘意刺激啲🤣•水蟹粥 一碗 $87鮮甜 一碗分量都算多喎當日可能天氣太熱🥵隻蟹稍為有少少霉不過都無影響到味道…查看更多

澳門勁足料蟹黃撈麵-牛記咖喱美食今次介紹澳門有一間隱世小店，出名係咖喱同埋蟹黃撈麵🤤黎到都有七成full，唔使等位😊 點左咖喱牛腩麵、蟹黃撈麵同埋炸雲吞，職員仲特別警告⚠️咖喱好辣😂即管試試咖喱牛腩麵有幾辣🥵個人覺得都幾辣，相信鍾意食辣嘅朋友會好岩🤭蟹黃撈麵有驚喜，蟹黃好足料，其實側邊見到佢成盤蟹喺度，真係真材實料，仲要$50有找😂另外仲叫左大大碟炸雲吞，兩個人食好full😂成12粒，不過漲了普通，如果配泰式辣醬會比較好🤣呢餐好抵食，CP值整高，唔介意迫迫地可以試吓…查看更多

3年無黎澳門啦，梗係要食番個水蟹粥先，原本一直係牛記擁躉既我係疫情前試左佢地既大舖，但就略為失望今次下定決心俾多次機會佢，點知真係有驚喜首先叫左個蟹黃拌麵，今日就係份量十足，略為拌匀後即刻啖啖充斥蟹黃香,色澤金黃而且唔會太油膩，兩個人share再食多個水蟹粥就岩岩好啦之後就係戲玉－水蟹粥啦，叫左細窩，但上檯既時候就覺得比較大窩了，不過真係好好味，份量十足，無落太多既調味，單靠水蟹既鮮甜已經好足夠，下定會再叫…查看更多

丫媽話要睇下港豬澳大橋，就乘機去澳門食下野。朋友話呢間野好好食，但我去咁多次，一次都無食過。所以第一站就來呢度e下肚食。價錢好平民，好貼地牛腩飯都係39咋本來想叫咖喱牛腩飯的，但店員提醒話係好辣的，所以我地揀返牛腩飯。但其實牛腩飯都係辣的，而且唔係普通的辣如果叫咖喱牛腩飯，都應該食唔到。媽咪話啲咖喱好香，好正，想拎啲汁返香港水蟹粥一碗都幾大。但隻蟹唔係水蟹細細隻的。不過啲粥好綿，都幾好食的。牛尾撈麵係甜豉油汁，牛尾炆得好淋，麵好爽叫呢個係因為個麵好好食，所以要再order.朋友推介的蟹黃撈麵。唔覺得啲蟹黃太香，但啲麵好爽，好彈牙。啲墨魚餅好大件好彈牙，30蚊有4件。抵食丫真材實料不過佢又唔係好食到我想再encore…查看更多

港珠澳大橋開通車咁耐，男友都未試過，於是佢提議試吓搭車過大海食嘢。。。上網搵吓，見呢到竟然有佢最鍾意食嘅蟹黃，於是一早搭車由上水出發，轉車再轉車，落車再搵吓。。。終於搵到喇。由於位於屋苑內，所以去到係食晏時間都未係太多人。。。由於已經知道食咩，象徵式望吓餐牌就落單喇！雖然蟹黃撈麵有少少失望，但一食蝦餅即刻覺得不枉此行…查看更多

食完雞汁米見系附近就試埋，見到網上評價二極，但因為系附近就試埋，一入到去見到得一台客，裝潢好簡陋，二款麵食好淡味，食唔到任何應有香味間野真系唔好食，唔明點解會有人推介🌟薑蔥撈麵$22諗住叫最普通既試下，因為賣相太差，相都無影到，麵用豉油等調味去撈，麵唔彈牙，麵既薑蔥味只系靠放上去既生薑蔥同麵一齊食先有，就甘食麵系乜味都無🌟蟹黃撈麵$42D蟹黃有d腥，成個麵調味偏淡，蟹黃系唔夠撈晒個麵，撈開左無晒味…查看更多

上次去牛記係3年前, 澳門嗰間! 不過今次係氹仔遊, 好彩牛記喺氹仔都有分店, 唔駛專登過橋! 的士由酒店去到牛記門口, 一般茶餐廳門面, 差 d搵唔到個入口! 食評力推 “蟹黃撈麵”($42) 果然名不虛傳! 一個麵餅, 蟹黃份量算多, 未食聞落好香, 配上大量蔥花及薑絲, 辟去腥味! 撈均後條條麵都掛滿蟹黃, 唔會一口油, 亦唔覺油膩, 令人一食想再食! 呢個份量男人應該唔夠飽! 香煎墨魚餅撈麵 $42 ~ 外脆內彈, 煎得表面金黃香脆, 墨魚餅好厚實好彈牙, 仲好大件! 至於麵尼….因為食完蟹黃麵, 呢個撈麵就顯得較為失色! 咖喱牛腩飯 $39 ~ 落單時老闆娘講到明係 “好辣” 的, well 我食得辣, 唔怕! 咖喱汁好香, 好惹味, 堅辣! 咖喱唔係椰香, 甜味嗰種咖喱, 反而有d 似印度咖喱, 勁多香料煮成黑黑哋色嗰種! 牛腩唔係好淋, 同我哋喺香港平時食炆到淋晒既唔同, 有點咬口, 不過都好入味! 註: 麵質幾好, 食落無梘水味, 軟硬適中, 食完無胃痛! …查看更多

睇左好多澳門食評，想食經濟d，少人提及既，但又有d 特色，係官也街附近，揀左佢睇店面真係。。。星期六下午兩點都大把位叫左佢多人推既 蟹 黃 撈 面蟹黃分量約面既四分一，望落唔多蔥花都企理撈好左之後，又剛剛好wor面又會掛到蟹黃，仲有dd蟹粉配蔥花有dd 青味，令個蟹黃面唔會太膩我黎之前已經食左 世記厚蛋咸牛多士 咖啡 仲有 留蓮雪糕雖然只食半份，但食完仲想再食值得去食ga…查看更多

Ngao Keo is a local restaurant that has been popularized recently, being famous for their crab roe noodle and water crab porridge. Needless to say, I always come to 十月初五街1號 until I realize that they actually open another branch near Taipa area. The restaurant is really spacious, with an ambience just like any normal cha chan teng in Hong Kong. For early brunch, we order shrimp toast and a signature crab roe stirred noodle. The shrimp toast is goldenly deep fried, very crispy and serve aside a Thai sweet and chili dip. Despite the strong alkaline flavor from the thin cut noodle, the crab roe stirred noodle is still delicious and I quite enjoy the pan fried squid cake that has been loaded greatly with fresh squid. If you are staying at the Taipa area, this branch will be much easier to locate.…查看更多

今日遠道而來尋訪，我至愛的蟹皇撈麵！由官也街與老公拿著GPS找找找，步行十五分鐘左右，眼前風境越來越脫離商業味濃的遊客區，漸漸貼近澳門民居的風貎，然後，終於找到牛記！平日通常每款菜式叫一份一起分享，今次早已向老公聲明，我要獨吞一份蟹黃撈麵（$36)！不負所望！蟹黃！全部都係蟹黃！真令人難掩興𡚒！蟹黃的魔力叫人難以招架！沒法檔的金黃魅力！麵質口感彈牙，附的小碗魚湯也鮮味。鮮甜的牛尾湯麵($37)，牛尾不少，老公說牛尾香口軟稔，不錯，但因為我太忠於我的蟹黃我只嚐了一口湯。加的墨魚餅（半份）($28) 也相當彈呀香口，不可錯過。下午茶全單$100，相 比起當旺的旅遊區的小店，此處價位化算得多，今次可謂不枉此行。…查看更多

當你身邊有一個鬼主意多多(又三心兩意)、古靈精怪(又低B)同充滿諗頭(又煩膠)既女朋友，感覺係離奇可愛地幸福(?!)既⋯ 點解？事原係賴生本身安排左今晚會食米芝蓮既印度餐廳，簡單d即係食咖哩啦⋯⋯，而lunch本身都係plan食咖X全 （事前已得屈小姐過目），亦即係又係咖哩啦！加上前一晚我地又食到成肚咖哩(仲飽到上心口XD)，所以屈小姐就由前一晚開始已經諗緊轉食其他野，廢事變左咖哩日😂😂！ 鬼主意多多既佢，決定改變行程，帶賴生去牛記咖哩美食(唔係食咖哩)食佢最出名既蟹黃撈麵！(P.s. 賴生有樣野好唔明，就係點解屈小姐同Mr.O 既交情咁好既呢？佢臨時轉陣都可以知道有咩好食)屈小姐推介既第一樣係：1）香煎墨魚餅蟹黃撈麵 （5星配搭！）- 蟹黃撈麵好香！蟹黃亦十分多同鮮甜！啲蟹黃係黃色嫁而且仲帶一絲絲蟹肉不得了！加上撈既幼麵超彈牙，條條都黏住蟹黃，啖啖蟹黃味！超·爆好味！- 香煎墨魚餅好出色！外脆內彈！外面煎到金黃脆皮，入面就有新鮮打好，劇彈牙既墨魚肉，而且佢有加埋墨魚鬚一齊打，食落去既時候更添口感，咬落一粒粒，有d被墨魚鬚吸盤吸住既口感 (係油左小小，但咁脆口，就破下例啦)2）花雕醉雞撈麵 （4.5星）- 花雕醉雞用既係新鮮烏雞，肉好實淨！皮好煙un! 而且唔會太肥！超正！- 花雕醉雞好正呀！超鮮甜，D花雕渾發晒，留番既只係甜味！不得了，食唔停口仲有紅棗既藥材味！感覺好補!味道好豐富有層次！- 唯一一樣呢⋯⋯賴生代屈小姐講既，油左少少(仲重覆左好幾次XD)，輕輕扣0.5星啦3）芥蘭 （全走）4星- 份量都多！而且主要係菜莖！正- 岩晒愛食菜既我地其實呀⋯⋯屈小姐，只要你鍾意，賴生陪你食乜都冇所謂，因為佢食既係你既笑容呀#精靈女朋友#臨陣易帥都冇問題#Mr.O 其實好幫得手(可惜佢唔係人人夾到)…查看更多

We ordered the wanton noodles, beef brisket curry with rice, dried crab yolk noodles, crab congee, and dried oxtail noodles.The beef dishes that we had was absolutely sublime, and a must order. The crab in the porridge tasted quite fresh but was otherwise quite normal. The wanton itself was pretty good too.But go for something with beef, especially the oxtail noodles (牛尾), and you won't go wrong.…查看更多