影片
以上資料只供參考, 請與餐廳確認詳情
噚日（28-6-2025 Sat）同老公到澳門睇黎明演唱會，由於演唱會開得早，就同老公傍晚食晚飯，嚟到時都多人，睇完menu後，就要MOP45.00嘅滑蛋芝士豬扒菠蘿包，MOP48.00嘅馬拉盞豬頸肉撈油麵，MOP26.00嘅菠蘿冰，同MOP18.00嘅熱檸蜜。嘢飲先到嚟係正常，熱檸蜜夠甜冇問題。3分我冇飲到老公嘅菠蘿冰，只食舊菠蘿，正常冇問題，唔太甜。然後馬拉盞豬頸肉撈油麵先到，見到都幾大碟，唔辣嘅馬拉盞幾香，豬頸肉正常爽口，油麵口感都正常。4分滑蛋芝士豬扒菠蘿包須要啲時間至到嚟，我移一移個碟，都冷不防原來佢係一隻熱嘅鐵碟，而睇見都好大份，同已切開一半上枱，睇見滑蛋芝士都幾厚，雖然呢個後啲上，我哋都趁熱先食。滑蛋芝士係滑，不過唔會太鹹，豬扒juicy,亦唔鹹，菠蘿包唔係幾夠油酥同唔甜。4.8分服務：基本上有禮貌，不過放低滑蛋芝士豬扒菠蘿包時，提一提醒隻碟熱會好啲。但都自動俾多一隻碟同俾一對膠手套。抵食係2.7分
繼續閱讀
✨豬扒芝士蛋菠蘿包🫵🏻呢款包創意十足 仲要大大舊💛💛菠蘿包面頭有應有嘅香氣，包體鬆軟。豬扒好juicy，同芝士+滑蛋都幾融合🍳.✨肥牛炒烏冬最鍾意呢個‼️烏冬色香味俱全，炒得好有鑊氣 微微焦🔥烏冬就係粗身啲嗰款，而肥牛炒得剛好 一啲都唔韌👍🏻🐮.✨豬扒炒意粉意粉都係炒得好有鑊氣 微微焦，好索醬汁嘅精華，但可能相比於烏冬 食落油膩啲🤏豬扒大大塊，外焦內嫩🐽.✨奶茶紅豆冰未聽過呢款紅豆冰就try下佢🫘發現港式奶茶➕紅豆唔係好夾🤣🤣但兩樣分開品嚐係冇問題。
繼續閱讀
喺氹仔行左半日，行好好攰，預備去酒店的路程想搵間餐廳食啲嘢，咁啱行過呢間外觀幾特別嘅餐廳，朋友話佢朋友食過覺得ok好似就係呢間，所以我哋就入去試試。喺平日又喺遊客區，呢間餐廳都幾多客人。我地叫左炒腸粉同雲吞蝦子撈麵炒腸粉好大碟，腸粉比一般大舊，但我就覺得硬左少少，唔夠滑，食幾舊已經覺得飽。雲吞蝦子撈麵，因為好耐好耐以前喺澳門食過，都覺得好食，所以今次又試下。不過佢嘅蝦子味唔夠，佢嘅汁（好似係鼓油汁）太多，有啲過咸。以呢個價錢唔包嘢飲，我覺得有點兒貴。而且值得一提餐廳好多烏蠅呢個又要再扣分。
繼續閱讀
落咗船去食個早餐先，但係又唔想去小紅書攻陷嘅冰室，所以就揀咗「梳打冰室」，可能不是在官也街主街，情況比較好少少，而且仲幾有特色，有室內同室外，我就坐喺室外，空氣清新、有雀仔叫聲、係把紅色太陽傘影響拍照少少效果啫😛☕️奶茶MOP18: 茶味香濃，唔使落一粒糖都好滑、好順喉👍🏻🧋咖啡紅豆冰MOP28: 咖啡都好香，紅豆🫘都夠淋（我就鍾意奶茶多啲😝）🥐黑松露炒蛋牛角包MOP40: 黑松露好香；蛋無炒至全熟，仲係有少少流質、好滑；牛角包香酥鬆軟，好正😋🍴乾炒牛肉通MOP48: 好似瑞士汁炒通心粉，一般囉✨🍽馬介休球MOP42: 馬介休球新鮮炸好香、好脆，咬開仲可以見到一絲絲魚肉，好出色，下次都一定要點😋😋😋
繼續閱讀
黎到澳門真係好想食馬介休球因為好耐好耐之前旅行都有食見呢間冰室個menu有就入去試下加上天氣太熱想走入堂內嘆下冷氣叫返杯凍飲休息下先雖然喺呢度order馬介休球未必係正宗嘅味道但見就腳又有就試下一上枱就聞到好香而且係新鮮炸好熱炸到脆脆好香口都食到一絲絲嘅魚對得住個價錢有餘另外豬扒飽整得外脆內軟味道剛剛好加上洋蔥爽脆本人覺得值得一試加上起碼呢度有得堂食又有大冷氣總括黎講呢度可以hea下休息下食下小食不失為一個好選擇
繼續閱讀
您可能會有興趣的...