旺德福火鍋

營業中

休息中

今次去咗一間食肆食卜卜蜆，真係有驚喜！一上枱，個鑊已經喺度「卜卜」聲響，蜆殼慢慢打開，香味撲鼻而來。蜆肉肥美多汁，鮮味十足，搭配嗰啲蒜蓉同紅辣椒，微辣中帶香，好惹味。除咗卜卜蜆，仲叫咗個海鮮拼盤。有蝦、肥牛、鮑魚、蝦滑等，樣樣都新鮮。蝦肉彈牙，肥牛紋理靚，鮑魚口感煙韌，蝦滑滑溜溜，食落超滿足。環境都幾好，坐得舒服，服務員態度唔錯，上菜速度都幾快。價錢都幾合理，性價比高。整體嚟講，呢間店嘅卜卜蜆同海鮮拼盤真係值得一試，下次會再嚟食其他嘢。

依家一直book mark咗終於嚟澳門有機會試人氣トト蜆 黃金時段一定要book位因為好多人。佢哋最出名就係係卜卜蜆火鍋同好可愛嘅熊仔公仔。熊仔公仔溶化咗之後會變成火鍋嘅湯底 念佢哋卜卜蜆火鍋幾出色每隻蜆都好大隻又厚肉脹卜卜，都幾新鮮。湯底有大量嘅蒜蓉幾香 又唔會話太濃味。另外佢哋嘅牛肉都質素吾錯 特別嘅墨魚滑，非常之彈牙。

依家一直book mark咗終於嚟澳門有機會試人氣卜卜蜆｡黃金時段一定要book位因為好多人｡重點佢收得算幾晏 就算夜啲食都可以食到！佢哋最出名就係係卜卜蜆火鍋 ❤️同 好可愛嘅熊仔公仔｡熊仔公仔溶化咗之後會變成火鍋嘅湯底 🥰佢哋卜卜蜆火鍋幾出色👍🏻 每隻蜆都好大隻又厚肉脹卜卜,都幾新鮮｡湯底有大量嘅蒜蓉 幾香 又唔會話太濃味｡ 另外佢哋嘅牛肉都質素吾錯 牛肉肉質勁滑 又可吾會太韌 幾有牛味 特別嘅墨魚滑,非常之彈牙 ｡

去親澳門都必定會去幫襯👍可以預先訂咗，預留食材為咗熊啤啤卜卜蜆😋😋本人系蜆怪，超級鍾意食貝類完全冇沙好鮮甜，有勁香牛油蒜蓉香草味另外個乳鴿BB超級好食，必點完全好有味，新鮮即炸燒粟米有意外驚喜，估唔到咁食都好食之後仲可以叫菜打邊爐，款式多，夠新鮮👍👍👍去澳門嘅都可以試試喔😊5個人去人均消費都係$200超值之選

舖頭面積比較細，價錢有少少貴，不過質素係好嘅。卜卜蜆：湯底係清湯加大量嘅蒜蓉  ，同一個熊仔造型嘅牛油。叫咗小辣，但係其實食落都冇咩辣。上到枱個造型好靚，打卡一流。睇住啲蜆慢慢卜卜地打開，好療癒嘅感覺。蜆肉好鮮甜。因為湯底比較清，所以就食到蜆肉嘅清甜味，同埋比較濃郁嘅牛油味。另外佢舖頭嘅豉油都比較甜，就算啲蜆點咗豉油，只會增添少少鮮味，而唔會太鹹，係好味嘅。打邊爐材料:頂級牛肋王：嚟到先知原來係牛肉粒，冇睇清楚。大部份牛肉粒都有牛筋，要煮得耐啲先會腍，否則牛筋嘅部份會好韌。牛肉味非常濃郁，係好味嘅。👌🏼美國牛小排：質地嫩滑。但係因為食咗牛肉粒先，味道會顯得淡一啲，冇牛肉粒嗰種牛肉味好濃郁嘅味道，但係質地係好嘅。😕西班牙豬腩肉：肥膏好多，正正常常冇咩特別。唔算特別鮮甜，少少韌。蜂巢冰豆腐：索晒鮮甜海鮮味嘅湯底，非常好味。👌🏼玫瑰蝦滑：食落同普通蝦滑冇咩分別，都係爽彈嘅，但係冇食到玫瑰味。另外黃芽白或者油麥菜都會索左湯底嘅鮮甜味同牛油味，好味。總結：少貴，但幾高質。

【食遊澳門】旺德福 - 好味又可打卡！卜卜蜆煲真係無得輸！個煲造型勁得意，見到熊仔開始跌落個湯底到我仲嘗試救佢。個沙白陣又排得好靚，打卡一流。味道方面，加左蒜蓉，牛油，小小辣椒，食落微辣好好味，冇沙。如果冇開嘅沙白，最後佢會主動撈起再換d新既放落煱。乳鴿都係一絕！d皮好脆，肉嫩多汁又夠香，咸度岩岩好！另外有牛小排，肉嫩好滑都係推介。再放雜菜，有娃娃菜，生菜同菜心，放湯都好甜。環境乾淨，地方唔算大但坐得舒服。服務態度好好，主動幫你攪下未熟既沙白，又幫客人落墨魚滑落個湯度。食品同服務都非常滿意。最好打定電話去book位。

同老公去咗澳門玩🇲🇴夜晚就Search下附近有邊度有得食卜卜蜆。發現最近係旺德福，所以就直接去。餐廳唔算大，不過都乾淨企理。我哋一坐低就叫左佢個卜卜蜆先!! 好大盤，係牛油蒜蓉卜卜蜆!! 微辣口味!!新鮮又好味，蜆肉又大又滑👍🏻好正! 老公仲叫左一份麻辣螄蚶🌶️一向唔食螄蚶嘅我，都試左一隻，又大又滑又醃得好惹味~ 老公都大讚😋最後仲叫左份烤金菇，外表平凡，但一樣都好正!!仲有一杯正常發揮嘅咸檸七! 值得一提，餐廳服務幾好，店員俾咗個盤我哋放蜆殼，基本上8成滿就會幫我哋清，非常勤力，感覺良好。絕對會再幫襯。(⁎⁍̴̛ᴗ⁍̴̛⁎)

嚟到澳門氹仔舊城區，依間人氣火鍋店以旺旺黃金多多蜆作為招徠，更加被「卜卜蜆關注組」大力推薦！➖✨ 旺德福火鍋.餐廳裝潢風格現代時尚，座位寬敞，環境舒適。除咗提供傳統的火鍋配料，更有多款創新特色菜式。➖🥢 旺旺黃金多多蜆｜$288（⭐招牌）.依道「旺旺黃金多多蜆」賣相十分精緻吸引！滿滿沙白蜆整齊地排列成花瓣咁，中間仲有一隻可愛小熊造型點綴，極具視覺效果！湯底以蒜蓉、辣椒、牛油和米酒簡單調味，搭配爽口鮮甜嘅蜆肉，味道清甜！➖🥢 頂級美國牛小排｜$238（⭐推薦）.牛小排切薄片，疊成火山嘅外型，十分有視覺衝擊！牛小排油花豐富，肉質柔嫩，簡單涮煮幾秒，牛肉入口即化，牛味濃郁。➖🥢 美國牛板腱｜$148.牛板腱油花分佈均勻僅僅中間帶著一條嫩筋，而且脂肪比較少。食落有咬口而且肉味濃郁。➖🥢 黑毛肚｜$78.黑毛肚七上八下淥一下就食得，涮煮後依然保持爽脆彈牙口感。➖🥢 新鮮魷魚｜$68.魷魚筒肉質爽口彈牙，吸收煮過沙白蜆嘅牛油蒜香湯底，味道鮮甜！➖🥢 黑松露墨魚滑｜$88.黑松露香氣濃郁，手打墨魚滑口感爽滑彈牙，十分不錯。➖🥢 彈脆蟹籽蝦滑｜$88.蝦滑質地彈牙，搭配蟹籽嘅咬感，口感層次豐富。➖🥢

上網睇澳門卜卜蜆是必食的，見到人推薦同埋有卡通造型牛油便來試試～一上枱蜆排列得好整齊，湯底看似非常清，有一些蒜蓉和辣椒，煮滾黎，一粒粒蜆卜開，幾得意，但係食落超級淡味🥲最尾要叫碟豉油黎點先得😮‍💨價錢亦都幾貴，可以不來～

我地五個人食，野食黎到先知份量咁少，真係呆左，一個人食就差唔多，你地員工又冇同我地講份量少會唔夠食，已經唔平架啦，個拼盤25蚊一粒牛肉粒，早知散叫冇咁嬲，食到一肚氣價錢同份量唔成比例，叫左拼盤完全中哂伏，問員工可唔可以轉返散叫又唔理。牛小排$88-3塊豬腩片$48-3塊肥豬肉牛肉粒98蚊-4粒響鈴$26蚊-3舊

呢間旺德福火鍋，其實已經係第二次返去食嚕~😝主要係自己本身係好鐘意食卜卜蜆，同埋上次食過都覺得呢間無論海鮮定牛都好新鮮！所以今次過澳門玩又再encore🥳朋友們都表示滿意👏🏻值得一讚係員工態度好好，同埋飲品係大大杯🙌🏻旺旺黃金多多蜆充滿牛油加蒜既組合，蜆肉索滿啲汁，所以吾點豉油都好夠味！蜆肉吾算好大隻，但係新鮮同埋無沙的。呢個蜆煲適合2至4人左右食。食完蜆就可以開始打邊爐嚕！🤗🍲自選拼盤(6項或8項)今次牛肉揀咗牛板腱，牛小排同埋肥牛。個人認為牛板腱最重牛味同埋性價比較高🥩另外仲揀咗黑松露墨魚滑同埋福袋，墨魚滑好彈牙，淡淡嘅黑松露味，都幾好食。不過個福袋就一般🤣奇妙醬烤黃金粟米呢個烤粟米，可以係話我人生食過最好味嘅粟米！冇誇張😖搽滿沙律醬係面層，食落去有烤香咗嘅味道，每粒粟米都有甜甜嘅醬包住，係幸福既味道🥹🌽

澳門多咗啲特色菜食，今次book咗呢間<旺德福>一嘗佢地嘅黃金卜卜蜆鍋🔥，成個鍋鋪滿蜆，有蒜頭香草同可愛造型嘅牛油做調味🧄🧈，另外可以嗌唔同食物用嚟打邊爐。我就嗌咗牛板腱、蝦、墨魚滑同娃娃菜，兩個人食晒啲蜆再嗌幾款嘢食十分飽肚滿足👍🏻，而且用蜆煮過嘅牛油蒜香湯底超級鮮甜，用嚟打邊爐連條菜都甜啲😆，而且店舖服務態度唔錯，上菜亦都快，整體用餐滿意✨

第一次寫食評今年第一次帶家人澳門旅行（一家大細4大2小去澳門旅行。咁啱住氹仔呢邊，又好想食蜆，於是就俾我上網搵這間店了。我們訂了6點，去到餐廳，服務員很好，見我有BB車，安排一個舒適嘅位置俾我哋。推介熊仔牛油卜卜蜆：牛油味勁香 ，卜卜蜆好新鮮，因為有小朋友所以走辣椒。如果有少少辣更好味其他配料牛肉也很新鮮。服務非常好，食物質素高，雖然價錢不是很平宜，但一分錢一分貨，有質素!下次來澳門也會再回來這裡食