土生仔美食

營業中

休息中

氹仔官也街附近一間用葡式做主打鋪頭，主張零味精住家飯味道，店舖座位以吧台形式設計，餐牌 Lunch 每款主菜跟白飯同當日餐湯一碗。🐷炒免治豬 跟飯 加煎蛋 ($42+8)免治豬炒到香口惹味，間唔中咬到啲筋位，入面細炸薯仔粒炸得岩岩好，撈飯一流，加多隻太陽蛋醒神好多，成碗飯有番靈魂，亦唔會乾身，可惜隻蛋索價8蚊唔抵，重點係又唔可能唔加啊！🐔炸雞塊（茄汁）跟飯 ($45)有茄汁或芥末沙津醬兩種醬選擇，炸雞塊炸得外脆內嫩，咬落有肉汁個種程度，外層粉醬唔厚，幾優秀的，但送飯會dry左少少。跟飯既西洋菜紅蘿蔔湯原全係啊媽煲煮家湯味道，飲出無味精天然，淡口清甜。飯方面亦唔錯，絕對煮家飯feel，好食但無驚喜，環境簡約清靜，坐吧台隨行袋可能要放枱面，多人同行傾計未必方便。整體性價比可以，如果以氹仔官也街搵食前提可以有下一次。