喜蓮咖啡麵食

營業中

休息中

明知要去澳門所以之前上OPENRICE到睇吓有咩好食, 見食評幾好所以一試, 首先我地叫咗炸雲吞 : 炸得超鬆化牛尾湯通 : 湯底超濃郁豬扒飽 : 個飽超脆咖啡紅豆冰 & 奶茶紅豆冰 : 因為之前未飲過, 所以覺得幾得意全部都好好食呀P.S. 果到d伙計超nice

我今次去澳門是為了水舞間, 去之前就去openrice check下澳門有咩好食, 一入來就見此推介啦.於是帶埋所有人來吃, 見到openrice的一張相, 把我深深吸引, 就係咖哩牛腩啦.叫左好多嘢 :1. 咖哩牛腩 - 好香及spicy, encore左一碟2. 炸雲吞 - 皮好厚薄, 又encore 左一客3. 水餃 - 好多雲耳, 我encore左一轉4. 豬扒飽 - 可以5. 推介 - 咖哩吞拿魚飽, 好濃好香6. 牛尾湯通 - 可以一試, 我覺唔夠熱7. 紅豆冰咖啡, 紅豆冰奶茶, 紅豆冰正常 - 一般8. 湯雲吞 - 我本人覺得好食過炸, 但係朋友encore炸攞最後七個都讃口不絕攞, 會再來, 哈哈. (真係如之前的食評, 全是讃的.)

澳門一天遊，當然之前要上openrice做定功課。由於個人特別喜愛茶餐廳，係openrice找到這間喜蓮咖啡推介的係牛尾湯通粉，就決心要去試一試！我們二人留定肚，諗住吃多些。點了牛尾湯通粉、牛扒包、吞拿魚咖哩角、凍及熱奶茶。特別一讚落單阿姐好有禮貌！牛尾湯通粉 - 份量很大，超正！好足料，通粉軟硬度適中，好多蘿蔔粒粒！不過吃牛肉粒時要小心，因為有些仲連住骨。牛扒包 - 試得太多豬扒包，就試下其它嘛！味道一般，可能個包太大。Ok la~吞拿魚咖哩角 - 係超級級超級好味！一碟二隻，皮是方包做成，不是平日的春卷皮，好特別！餡是辣辣的好開胃，我們二人一路食一路不停說：好好味！並且都講：之後來澳門都必定會再稱食！凍奶茶 - 凍奶茶來的時候，阿姐解說檯上面的糖槳是給凍飲的，而一包包就當然係熱飲啦！第一次係茶餐廳，要自己落糖水飲凍奶茶，感覺到這裡很細心啊！由於外面下著大雨，我倆當然就慢慢嘆及看地圖plan行程！值得一提：這裡很近澳門八景之一 - 龍環葡韻住宅式博物館，吃完出門口轉左，慢慢跟指示牌行便到了。

又黎澳門旅行..今次擔當導遊所以好俾心機搵野食...見到呢間岩哂行程所去....去完官也街去岩岩好....係官也街一直沿條街去就到...唔難搵...下午四點到..唔多人...可以舒服地坐下...仲可以避左場大雨...二話不說...食雞扒包...個包好大個...雞扒夠哂大....包焗得夠脆....!!正...仲加左個西多share食...好好味...炸得岩岩好!!!!因為下午茶食既唔多....下次絕對會再去....**待應仲推介紅豆冰....下次可以試下先....

入賭場放低幾百後，早餐仍未落格，先退房把行李寄存，向氹仔出發。行兩個街口，外港碼頭外的萬事發酒店，正好有新濠天地的專車，十分方便。一場來到新濠天地，當然要看看免費的龍騰表演，十五分鐘的故事內容大可不理，視覺效果則相當不錯。看罷，已到下午茶時間，悠閒地從新濠天地走向官也街。或者太耐無來澳門，竟然走錯方向，本想去官也街的，卻到了喜蓮咖啡。所謂錯有錯著，一於來個街坊茶餐填肚。澳門茶記一大特色，主打不是豬扒包，就是麵或粉類，相當簡樸，入鄉隨俗，來碗咖哩雞出前一丁 (MOP 19)，女友就要紅豆冰奶茶 (MOP 16)。我的咖哩雞出前一丁，一共有三隻雞翼，咖哩湯底味道香辣非常，入口帶點刺激感，又不會太霸道，一丁煮得不太淋，整體不錯。至於紅豆冰奶茶，我則沒大興趣，總覺得紅豆破壞了奶茶的質感，不試好了。餐廳內的電視正播著都市閒情，看看周遭氣氛，感覺像是回到八十年代的香港冰室，是個不俗的體驗。

在氹仔遊覽完新濠天地後，我和老公都已經感到十分之疲累，最後我們選擇去喜蓮咖啡歇息和吃午飯‧我們點了紅酒牛尾通+牛扒、牛扒燴意粉、紅豆冰和涷奶茶，感覺味道如下： 紅酒牛尾通+牛扒($28)：牛尾湯很濃，可以看見很多碎牛尾骨在內;通粉是有坑形的通粉；至於牛扒就好淋，好入味； 這個牛尾通的味道十分之唔錯‧牛扒燴意粉($26)：牛扒好淋又入味，意粉則被芝士粉炒過，所以味道都幾好‧紅豆冰($13)：紅豆夠淋兼且帶點甜味，花奶足夠，味道也很好‧.涷奶茶($10)： 有茶味，但是沒有奶味，麻麻地‧

好多人都話大利來既豬扒飽水準已經唔掂, 所以我跟3位朋友專登行多十分鐘黎喜蓮咖啡食呢到既豬扒飽! 炸咖喱雲吞 -- 個皮係有d似正宗錦鹵雲吞既皮, 個涵真係有成隻蝦係到, 再加上個甜酸醬真係好味到不得了, 值得推介! 炸豆腐 -- 配上鹽來食, 豆腐都幾滑同埋真係好熱, 但味道都係一般! 豬扒飽 -- 包很脆, 豬扒都很夠味, 不過唔滿意係d肉唔夠厚食落感覺好似好乾!仲有呢到既飲品都好好味, 估唔到茶餐廳有咁既水準, 真的令人喜出望外~~

去酒店放低行李就坐酒店的接駁巴去到馬會，但行錯左隔離的新城區，問左十個打十個都唔識，最後要問警察，但都點左我地行左好長冤枉路，其實兩度距離好近，路程只要5-10分鐘，同埋喜蓮仲要係舊城區入口，證明新城區的人好少人四圍行!去到喜蓮，我同阿哥一人一碟牛腩飯，飯同汁餸的比例係一比一，夠竦又足料，又冧又多牛筋，MOP 26真係好抵食!我阿媽叫左咖哩雞扒飯，由於只係在雞扒上淋汁，所以無咁入味，建議大家如果要食雞就叫咖哩雞翼飯。我阿媽唔鍾意佢無椰汁，但我同阿哥反而鍾意佢無椰汁，無咁葡汁feel!我叫左菠蘿冰，原全係細個果陣的味道，已經好耐都無係香港飲得到啦!阿哥飲紅豆冰，阿媽飲涼粉紅豆冰，兩種都好好飲，不過飲之前請大家記得搞勻佢，如果唔係溫度會唔均勻。

喜蓮咖啡位於氹仔飛能便度街，距離格蘭酒店約 5分鐘的步程。我去的時候剛好是正午時間，就坐在門口雪櫃旁看電視的位置，亦是唯一空出來的食桌。店內約有50個坐位，繁忙時間許多人光顧，堂食外賣兩忙；席上不少是港客，OL聯袂外賣居多。我們柯打了菠蘿冰$13、紅豆冰$13、凍鴛鴦$10$、咖哩牛腩飯$26及魷魚炒麵$28。菠蘿冰---甜度適中，菠蘿不像是罐頭貨。紅豆冰---這是網絡食家介紹的，幸好沒有錯過；紅豆大大粒...正凍鴛鴦---茶餐廳一般水準咖哩牛腩飯---飯底只是普通米飯，咖哩很香味不太辣，牛腩和薯仔炆得軟腍，還有生洋蔥提昇香氣。咖哩牛腩這個味道及價錢，在香港很難吃到了魷魚炒麵---有干炒和濕炒，我挑了濕炒的。麵底炸過較香口及脆身，茨汁淋在麵上有水魷、韭黃、銀芽和菇絲等...家人吃得津津有味。喜蓮出品似乎沒有將貨就價或屠宰港人荷包意識，做的主要是澳人街坊生意...希望下次再來沒有變質。讚...

兩點幾未食飯，諗住去龍環葡韻之前食左野先，途經喜蓮，見到入面都幾多人，一於試下啦！坐低左，見到好多人都叫碟頭飯，我地諗住難得黎到，食下其他野啦。首先叫左雲吞同豬扒包，等緊既時候，見到呀姐拎住碟好搶眼既通粉行過，即刻問佢咩黎，佢話係「牛尾湯通」，於是我地加單！加單個陣，呀姐話個牛尾湯通本身無其他餸，提議我地加塊牛扒，仲問我地係咪第一次黎，我地話係，佢話：「咁你一定要試下我地既紅豆冰喇！好出名咖！」。就係咁，我地又叫多杯紅豆冰！嗰位呀姐好好人，專登拎左一碗仔咖喱汁比我地，話用黎點雲吞同麵包，味道果然零捨不同！個咖喱汁好香濃，令個雲吞既鮮味更突出！可惜豬扒包喺個汁黎之前已經比我地兩個餓鬼食晒，如果唔係，咖喱豬扒包都一定超好味！至於杯紅豆冰呢⋯ 真係無得頂，粒粒紅豆仲係好完整，不過焾到就咁吞都無問題，呀姐真係無介紹錯！最後黎既牛扒牛尾湯通，估唔到佢咁好食！塊牛扒醃得好入味，個牛尾湯食得出真材實料，真係有啲牛尾仔，就連紅蘿蔔都好入味！呀姐既服務超貼心呀，價錢都好抵！下次黎氹仔一定要再黎食過！

好多人既餐廳, 中午時都好唔昜先有位. 見咁唯有聴waitress講食啲快既野食, 食咗沙丁雞飯, 咖喱牛腩同果然唔錯. 但呢度只係開到下午5:00pm, 想食晚飯都無咩可能.

去喜蓮...飲咩好?更係飲雪糕紅豆冰啦!!!! 得一個字, "正"!!!!岩曬而家甘熱ge天氣呀~咪睇佢細細間甘呀, 真係好野黎ga~

We shop around this area yesterday and went to have a tea in this cafe, we ordered plain wanton, curry tuna sandwich and a tuna sandwich. Both of the tuna sandwich is so so so good, the surface of the bread is deep fried, its a very good idea.... The surface is very crispy and the middle is full of tuna paste which is still a bit cold in the middle, dont know how they did it. I like the curry one more cos its a new taste for me. The wanton is very good, the prawn is very fresh and "darn ar" and

超正!!! 佢杯熱啡多奶(我通常o係其他茶餐廳都飲奶茶)~~~ 中杯同凍杯差不多大都只賣$9(再大d 好似都係$10)!!! 又香又滑 豬扖包ok, 唔油~~ 最瘋狂係我o地晨早七八點去食炒貴勺$25(偏淡, 算ok多料) 同濕炒牛柳絲面$27(ok 架..) 都有得食 好滿足o係間咁舊式o既茶餐廳竟然冷氣勁夠(仲流鼻水先...), 廁所爆企理仲香o既!! 有效率有禮貌.... 好好feel, 好親切, 本人鐘意佢樓上雅座(雖然對我o黎講有d太凍, 但fit 哂我d 怕熱o既friends!!)好彩o個朝出面咁啱有錶位唧嘻嘻........................ 令我可入去重溫~~遲d得閒po相上o黎俾各大老饕評評分~~ 耐心耐心

值得我行到出哂汗都要去食佢個雞扒包!