加米路葡式美食

去澳門, 很多時候都會選擇到自助山, 因為款式多, 味道不錯, 又比香港的自助餐划算不過人大了, 胃口不及當年, 亦討厭爭食的感覺, 同時, 想多試新事物所以今次起行之前, 在OR找了好幾家未食過的來試一試星期六澳門人流如鰂, 怕full house, 特別在這炎夏, 若要我在戶外等位, 我寧可捱餓, 故我預先訂檯, 亦預留了一份必試主菜 - 原隻燒雞雜菌焗飯8點準時到, 樓下一個食客都沒有, 原來樓上已坐了一大班人地下店面較細, 大部分空間撥作廚房之用, 裝修顯得陳舊, 牆身油漆剝落, 幸好我不是「食裝修」的人一坐下, 侍應即遞上一大支冰凍礦泉水, 讓我可以即時解渴降溫 (另一檯一家五口的客人, 侍應端上的是未經雪藏的礦泉水, 應該是怕老人家及小朋友喝不慣, 可見其細心) 還未點菜, house bread 已準備好, 麵包熱得燙手, 是一個好開始 (8/10)除燒雞焗飯之外, 我們點了兩款招牌菜 - 白酒煮蜆 及 黑椒燒羊脾, 另外再加一個凱撒沙律先來第一道白酒煮蜆, 滾熱辣的瓦煲裡面裝滿帶黑邊的蜆, 還有少許青椒作點綴, 感覺有點中式。蜆像蠔仔般小, 甜味不是很豐富, 但總算新鮮。這道菜的精髓在於白酒汁, 像忌廉湯一樣香濃, 我好不客氣的叫侍應拿個湯碗給我, 把這「湯」喝完。若然蜆大隻一點, 我會給個滿分。 (8/10)緊接的是主角 - 原隻燒雞雜菌焗飯, 看來不是很大, 比春雞稍為大一些。雞皮燒至金黃色, 很吸引。刀子壓下皮層已聽到咔吒的清脆聲音, 熱氣隨即從刀縫湧出來, 香氣撲鼻。把燒雞分半打開, 原來皮層已沒有脂肪, 我的戒備心而大大降低, 準備大開吃戒。雞肉炒飯將整隻雞塞得滿滿, 應該夠5人享用。香脆雞皮與炒飯同吃, 真的非常美味。美中不足的應該是雜菌不夠多, 多放一些可增加爽口感。最後我們三人都不能將其解決, 唯有帶走。(9/10)有薯條伴碟的黑椒燒羊脾應該沒有用黑椒做醃料, 黑椒應該是指分開上的黑椒汁。五成熟, 中間肉色還帶少許粉紅。肉質不夠稔, 無羶味亦無羊味, 頗失敗的一道菜。(5.5/10)更失敗的原來還沒到。主菜已上齊, 沙律還沒上。侍應解釋是要烚蛋。首先, 為何凱撒沙律會有蛋? 再講, 烚蛋可以比燒羊脾更花時間? 解釋有點牽強。沙律菜用了普通生菜, 完全沒有爽脆口感, 因為所有菜都被輕微帶酸味的沙律醬"醃稔"。麵包糠沒有被炸過, 應該有焗過, 不過已被濕氣軟化, 還有點韌。更糟的是, 沙律上還放了一些咸度極高的醃沙甸魚, 魚腥味濃烈。這個天氣吃這樣的沙律, 非常不爽, 這是人生中吃過最差的凱撒沙律。話雖如此, 但都不能浪費, 第三世界有很多人仍在饑荒之中。(0/10)來這裡不是為吃羊脾及沙律。一間餐廳的廚師不一定集十八武藝於一身, 未能做到十全十美乃人之常情。要試的招牌菜已滿足到我。這裡的服務不差, 會留意客人的需要。價錢都算實惠, 下次會再來試一下西班牙海鮮焗飯。…查看更多

近美高梅MGM Hotel 隔一條街, 酒吧街附近看了周中師傅的報章推介, 專程造訪, 還預訂了" 原隻燒雞雜菌燴飯",可能是期望過高, 吃后只覺不過爾爾, 只希望是個人主觀評價, 無損大家歎葡式私房菜的興緻!Sangrila - 只叫半 Jug, 是老板娘專程為我們泡制的, 只是太似Fruit Punch, 甜了少許原隻燒雞雜菌燴飯 - 雖然是用心手功之作, 賣相討好, 但吃后只覺淡而無味, 真可惜!炸馬介休 - 這個對胃口, 送酒一流…查看更多

與老公到達澳門, 就立刻去食餐葡國BRUNCH~我們兩個人, 叫了西班牙海鮮焗飯(MOP78)和一份乳豬(MOP138), 還有兩個附送的豬仔包豬仔包: 好食呀~ 好耐未食過外脆內軟的豬仔包啦!!!西班牙海鮮焗飯: 有帶子,蝦,蟹柳,魚柳,魷魚和青口, 每粒飯都被蕃茄汁包住, 蕃茄汁不濃不酸, 味道剛好! 上桌時熱呼呼的, 加上飯面半溶的芝士, 讚!!! 乳豬: 皮脆肉嫩, 不會過咸, 都很好味, 不過如果你係怕肥的話就唔好叫啦~ 因為乳豬皮與肉之間係會有一層肥膏, 同埋係炸的, 會比較油...但好味...好矛盾....我地將全部食物食哂, 一件不漏, 很飽呀~ 很滿足!溫馨提示: 一入到餐廳, WAITER會問你要水或凍水, 如果你話要凍水, 佢就會開枝蒸餾水比你, 果枝水係要MOP10一枝喔(佢係唔會同你講要比額外錢的), 所以叫WAITER比"水"或茶就好了... …查看更多

一心諗住呢間會好好食喇,點知有D失望,唔係話難食既,不過對佢太大期望,所以有D失望囉,我地一家人過澳門玩,大大細細10個人叫左6樣野食: 葡國雞半隻汁唔香,勁淡味,好似比得太大水去煮,雞又少,成碟得一件雞胸咋,仲要百幾蚊,唔抵紅豆豬手:汁煮得唔夠熊貓好,個碟好大,但係得幾件豬手,仲要係細細件羊扒:一件,不過都幾大件,但係麻麻地海鮮焗飯:都係好一般,食完都無乜特別感覺,無個D好好食既感覺,但係又唔係難食既,不過D飯好林呀馬介休炒飯:唔記得六十幾定七十幾,就唔抵食呢個,同一般炒飯無別,可能馬介休貴左,我食左一碗都食唔出有馬介休蒜蓉炒什菜:勁多油,無蓉味份量比熊貓少,質素亦比佢差,落單個位先生唔知係咪我地叫得少佢有D黑面囉,不過算喇,淨係講質素我都未必會再黎喇!…查看更多

澳門兩一日夜的行程, 第一站去加米路食兩個人叫了一個燒雞釀飯~好好好好好食這個燒雞釀飯雖然3-4人的份量~不過我們都叫左亦都冇叫錯, 因為真係好好食~燒雞釀飯- 原隻雞得番皮, 好香, D飯加了香草, 一D都唔肥膩....不過兩個人食真係好多, 男朋友食左2/4多D, 我食左1/4.....飽到夜晚7PM, 哈哈, 不過真係好好好食~…查看更多

點了西班牙海鮮焗飯, 馬介休球, 白酒煮蜆, 馬介休炒雜菜, 特式面包雞幾個都幾好, 夠熱, 個晚我地4個男人去, 無咩人, 所以一個人SERVE我地一枱客。焗飯，必吃！馬介休球，夠熱，ＯＫ白酒煮蜆，無咩肉食，個汁好，但我食到沙馬介休炒雜菜，原本諗住炒個菜，點知加埋馬介休炒，好鬼貴，成$118面包雞，好味，飽…查看更多

想食葡菜, 又唔想去媽早廟個邊食咁遠, 上OPENRICE搵到加米路, 而且仲好近我地既酒店呀,不過要小心啲, 因為附近有一間同佢個名差一個字既葡國餐廳。好在早兩日打過黎BOOK定位架啦, 都知星期六一定人多呀, 不過都早左半個鐘黎到, 都OK啦。一坐低就叫左, 馬介休, 白酒煮蜆, 西班牙海鮮焗飯仲有木糠布甸。其實依間葡國餐廳既味道係偏淡架, 不過對於我黎講都OK。埋單都係兩百六十幾蚊, 都算幾抵食呀~~~…查看更多

看了openrice的食評, 見沒人彈這間加米路, 便唸住差極有限, 即管去試吓, 因真係唔想食倒一餐係唔好食, 會感到好難過, 當天叫了咖哩蟹, 個汁好淡, 無咩配菜之餘, d洋蔥都唔好食, 我好少食咖哩蟹唔食配菜, 個燒乳豬好難食, 整到好臭豬味, 食到我想噁, 抱有點希望既焗葡國雞, 仲難食, 焗得又唔夠, 個汁唔好食, 用李錦記d葡汁仲好食過佢, d薯仔無炸過, 唔好食, d雞一d都唔入味, 唔滑, d配菜同樣難食, 佢放了一種唔似香港食開的紅腸, 個樣一樣, 但個味完全不同, 整到成碟也難食不堪, 係個蜆都尙可以, 永世唔會再去, …查看更多

係MGM附近,唔係太難搵,想食D未食過既店鋪,就黎左加米路,當日差唔多七點就去到,唔係太多人,坐低諗左一陣就叫左三款野食~馬介休球~好耐無食過啦!味道唔錯,不過唔算好出色,同其他店差唔多白酒煮蛽~好好味呀!!!個汁好正!!我仲用麵包黎食tim!!!黑椒燒羊脾~個汁係分開上既,其實我唔食羊,不過呢個真係好好味,平時唔食羊既我都覺得好正!!面層略脆,但裏面仍然保持肉汁!!讚!最後叫左個澳門啤酒,都唔錯~~服務態度超好!!個叔叔(阿伯)好有禮貌!!!其實間餐都好多人食,可能我地早黎先唔多人,之後好多人book左位,不停都有客…查看更多

Before I visited Macau, I did some research from openrice.com and finally i decided to try this restaurant because of its high rating, plus my bf likes eating 葡國雞.... That day we had lunch overthere, and honestly not much ppl inside (just one couples).....then we order the following food:1) 馬介休薯球 - 唔錯, 唔太咸兼香口~2) 葡式扒四蔬 - 好味, 葡汁好香~ 薯仔最正~!3) 葡國雞(包上) - 好味, 葡汁好香, 個包又香, 外脆內軟, 點葡汁食一流! 我BF成个飽食曬!Actually we didn't have breakfast in order to eat more food during lunch, but D 份量 is pretty much, we were so full after meal! 本來想試西班牙海鮮飯, 但見到份量太大實食唔曬~!! We will try it next time......we wonder why this restaurant provides such yummy food but so little customers.....I hope it will be there for ages and more ppl try it la!This lunch just $216 but we were so full and satisfied!…查看更多

觀賞完美高梅金殿酒店宏偉的天幕，我和朋友花了8分鐘，徒步到對面的海景花園利景閣加米路葡式美食午膳；由於加米路的入口與貼鄰食肆只一牆之隔，差點誤入店舖鬧出笑話。 加米路門面約15呎，店內分上下兩層，牆上掛著國旗，吊扇，燈飾，陳設無不充滿葡國色彩。地下3分2面積用作酒吧、廚房及貨倉，所以餐樓面積實際不大，檯與檯之間的空隙也不多，只能招呼數檯客人。 我和朋友坐在近門的位置，揀選了西班牙焗海鮮飯$75、白酒煮蜆$50及馳名的馬介休球$38。餐前服務生奉上溫度剛好的豬仔包佐膳。西班牙焗海鮮飯---主材料海鮮有帶子、青口、蟹柳、魷魚和蝦仁；配料有青椒、紅椒、洋荵、蕃茄、茄汁炒飯底及面層鋪上厚厚的芝士。海鮮飯用料充足，更有我起愛的焗芝士，大堆頭夠2人份量，色香味之選。白酒煮蜆---材料有白酒、西芹、青椒、紅椒、蒜蓉、洋荵及白蜆。白蜆入味，肉質肥美。馬介休球---每客有六粒，用料有馬介休、薯仔、洋蔥與芫茜。外脆內軟，非常香口。 這是心滿意足的一餐，無論服務與食物出品均是值得稱讚。另顧客請留意，加米路不設下午茶時段，消費滿$200才可以用信用卡結賬。…查看更多

西班牙海鮮焗飯 -- 真係唔錯, 好味, 又抵食 很足料 而且 料又多, 有元貝仔, 青口兩大隻, 蟹柳很多, 魷魚很大件 , 蝦仁, 材料同飯0既比例棲本就係一比一! 正!白酒煮蜆- 酒同汁比例好好~ 正~ 佢唔比西班牙海鮮焗飯差0架, 我見少人提, 所以特別推介!…查看更多

我同朋友一行四人到了澳門第一站就黎加米路食午飯我地大概中午12時到達, 可能太早關係沒有人用餐, 不過因為想試呢到既海觧焗飯所以照入去, 我地點左4款食物 馬介休球 -- 咸咸地既味道, 食一件都夠了 蝦餅 -- 真係即叫即整, 熱到燙口! 味道OK! 巧製焗葡國雞(包上) -- 味道可以但雞肉比較鞋, 可能唔係新鮮雞喇, 但估唔到反而個包皮好好食好脆, 加埋D葡汁食係一流~ 西班牙海鮮焗飯 -- 就係上網OPENRICE其他食家介紹呢間餐廳既西班牙海鮮焗飯好食所以黎一試, 真係完全無錯, 好味到不得了, 而且很足料, 有青口, 蟹柳, 魷魚, 蝦仁, 元貝... ~有機會下次會再黎食~…查看更多

在openRice上面查到這間餐廳感覺還不錯囉，就特地排進行程裡去餐廳看起來沒有特別裝潢，但服務生很親切哦。因為沒有訂位，就安排在靠近門口的兩人座點了推薦的"白酒煮蜆 、西班牙焗海鮮飯、巧製葡國雞"三道+兩杯凍飲，以兩個女生來說，份量有點多..可能是距離午餐時間才過幾個小時，焗海鮮飯剩很多，不過葡國雞和白酒煮蜆到是吃光光葡國雞味道挺好的，第一次吃葡式料理，醬汁配餐前麵包好好味哦朋友對白酒煮蜆讚不絕口總體來說，價位和餐點都還ok囉…查看更多

餐廳面積不大，湊巧有客人在抽煙，我們便要求轉往上層二樓。原來上層地方寬落，坐在臨窗的座位，由于沒有其他客人，好像包場一樣呢。叫了西班牙焗海鮮飯($70) 和巧製焗葡國雞($55/1份) ，材料充足，味道不差，但只是感覺普通，或者是個人口味問題。服務很殷勤，一直有一名侍應在上層服務，包場兼有專人服務，有點不好意思。澳門何時會效法香港，在食肆實行禁煙呢？…查看更多