不夜天

最近朋友分享 「葡京酒店 」內不夜天Cafe 中午半自助餐餐單比我睇，睇到幾抵食，百幾蚊左右，一共有三個選項，如下：A 沙律吧+湯: $115 +10%B 沙律吧/湯+主菜: $150 + 10%C 沙律吧+湯+主菜: $175 + 10%.上官網睇主菜發現每星期更新，每個餐會跟餐前自選麵包、飯後甜品和飲品一杯（有兩杯特飲 / 咖啡 / 檸茶 / 奶茶 等選擇），當日天氣又凍凍地，揀左C餐去試下。.半自助午餐 C餐 ($175/位*).點菜選擇主菜 「扒羊架配露斯瑪莉汁」 和 「香煎豬扒配燒汁」 ，湯品兩個都係 「法式龍蝦湯」，飲品係其中一杯特飲「柑橘檸檬梳打」和熱拿鐵。.首先服務員拎住是日烘焙盤過來上餐前麵包，個日有甜麵包和酸種麵包提供，兩個都揀左前者，和一般甜餐包味道差不多。.可以隨時出去自助沙律🥗吧拎野食，所有種類見圖，沙律大約有二十款左右，以蔬菜生果為主。另外有煙三文魚、凍牛肉、火腿等六款凍盤任食。.自助吧對我最吸引係燒菠蘿🍍、雜果沙律、牛油果🥑、煙三文魚等，未食到主菜已經飽飽地🤣。.龍蝦湯 濃稠重味道，食完暖番個身。.主菜#扒羊架配露斯瑪莉汁 （七成熟）羊架嫩身，醬汁搭配剛好，意外的還不錯👌🏻。另一款 #香煎豬扒配燒汁 ，豬扒係易切開易咬，但塊扒無咩肉味，加醬汁亦幫助不大。.飲品推薦呢杯 柑橘檸檬梳打 加入話梅，令到整杯除左酸甜以外，多左一份鹹酸味，配合梳打更清新開胃，而熱拿鐵就不過不失啦。.飯後飽到不得了時仲有一個中式糖水 紅豆沙 ，甜度適中，暖暖地還可以的。_⭐️ 需加一服務費*⭐️ 主菜餐單會更換，有興趣可以睇官網餐單…Read More

難得今次番去澳門，探表兄一家吃飯，表嫂選舉了不夜天的自助晚餐！兒時，常來這裡住，已經知道在葡京酒店裡吃的東西，全是貴價食品！長大了，澳門變了，葡京以外還多了新葡京！競爭大了，所以老牌酒店都要革新一下！聽表嫂説不夜天前陣子裝修過，自助餐4位送1位，剛好我們5個人，所以來了！價錢大概$250一位，很便宜！未進去前，我心還在想，便宜不一定有好東西！進去後，我想法錯了！先去看看頭盤，雖然款式不算多，但都有長腳蟹、螺、魚生等食品！另外熟食很多選擇，除了一般在香港可以吃到的，它多了點心！！對！！就是葡京中菜廳的御廚點心！久違了，全世界最好吃的蝦餃，皮薄餡靚，連氣吃了兩籠！説真的，在香港，就算去貴價酒樓，都比不起這裡的點心！糯米雞是第二之選！熟食裡，還有這裡馳名的燒味！叉燒、乳豬、燒鵝、雞，全部都不太咸，乳豬皮脆口，一個字型容，「正」！最後，甜品類都是一般的奶凍，雪糕，味道還算不錯，最令人開心的，有一架車會推去每一枱的顧客前，表演薑汁撞奶！回味！總結，舊葡京令我想起兒時常來這裡玩耍，長大了一點，每次都想入去行一下，但總會害怕有些人以為你是有目的而來！今次襯著這敞晚餐，再進來行一行，結果是新鮮了！不再像從前舊舊的，還有一個藉口給我再來的，就是「不夜天」了！…Read More

For the food, the sashimi isn't quite fresh at all and it tastes quite 'dull' and 'pale', a bit disappointing to be honest. While the lamb and other dishes are in average standard, not a bad idea to could fill them in your stomach.Indeed, the dessert is quiet awesome, the chocolate fountain is perfect to match with the fresh fruits, and the cake is well baked.However for the service, it really not as good as those in HK. The waitresses barely know Cantonese or English, and not warm and caring service to the customers.…Read More

聽好多同事話個價錢係抵食, 所以即日訂枱, 好彩都有位不過就俾職員激死因我大肚, 想request 近buffet 枱職員話:你依家近洗手間, 一係坐去上面噴水池位好嗎?我一聽到上面?就問:要行樓梯ga?我未來過你呢間食, 唔知你地d 枱點分佈職員答:係呀, 幾級, 你未來過我都唔知點同你講....d 枱我地又安排好晒我就話:我依家有bb 喎, 你仲安排我行多幾級樓梯? 職員問: 你帶個bb 來呀?我話:我係個肚入邊有bb, 未生, 我係懷孕呀!!!我只係想要一個位, 近buffet 位, 方便我拎野食, 洗手間又係咩位? 對正嗎?會否聞到廁所味?職員答:味就無, 只係附近, 一係我幫你安排下la咁我唯有一肚氣咁收線, 雖然用廣東話溝通, 但唔知點解有d 雞同鴨講比原定訂枱時間, 6:30...我同老公6點就去到, 唔放心的底下, 去reception 問一問個張枱安排左係邊? 真係好驚頭先個職員仲係誤會左我的意思最後知道張枱都近buffet 位, 就放心行左一陣賭場就去recept 等安排入座邊行邊望到, 款式都多, 每樣有少少~賣相都吸引等6:30 正式開始食野, 我地都去啟動la因為大肚, 有限度食....魚生有三文魚, 吞拿魚個d, 老公食過話幾好味沙律幾款, 但味道ok新鮮熱辣的天婦羅, 炸粉唔厚又炸得脆, 有蝦, 蕃薯, 茄子,茹, 全部都好好味唔係驚熱氣,真係有d 想encore點心有蝦餃燒賣芋頭糕糯米雞....但我地叫d 特別d, 叫左鳳尾蝦同水晶餃水晶餃好香皮又薄, 好食呀鳳尾蝦就入邊有冬茹同芋蓉, 幾特別!!印度炒飯, 香料味好正, 好印度feel, d 飯粒粒分明忌廉薯仔片, 個忌廉汁整得好香, 同薯仔片好夾反而菜唔多....又唔算特別仲有個魚柳塊無食....有2款湯, 一個係冬瓜老鴨湯, 無飲只係"筆"左呢碗羅宋湯, 但味道唔得.....好淡唔夠濃面包係之後分開食, 無跟湯一齊食......失敗了d 包硬到牙都就斷又唔係好味同職員講, 佢地話d 包係跟湯食....有2款甜品分開擺, 一款係肉柱麵包布甸, 好好味, 加左個肉桂味煉奶汁, 吊出個布甸的味,又夠熱!俾左唔太好甜品的老公食, 佢都覺得整得不錯另一款係下邊蛋白杏仁茶, 未食過咁多蛋白....平時出邊食, "筆"極都係d d 蛋白真材實料, 又香又滑差左出名的叉燒無影相, 食左叉燒, 油雞同燒腩仔, 如果配埋白飯食就好食, 否則咸到死係油雞唔咸好入味甜品都無影....但我地食左水果串+朱古力噴泉(士多啤梨好酸)跟住食左木槺布甸, 要飲啖水先好試味....差好遠咖仲有藍苺芝士蛋糕, 同出邊食一樣好味, 唔會話太甜太漏芒果芝士蛋糕, 側邊有d nuts, 味道好夾芒果布甸, 老公食...我無食, 老公話好正, 不過太飽, 食唔落第2杯雪糕都無食, 已經飽左...所以無得寫食評講真....真係讚不停仲要讚埋個度侍應, 收碟速度快, 見你食完就想收跟手不停refill 水俾我地飲, 多數都要叫, 但呢間職員好主動好快手係呢度樓底可能矮左少少, 放的buffet 位呢唔係集中, 不過都好, 分散左d 人流以咁平價錢($238加一, 每人$262), 有咁多好野食, 9成係好味, 抵食呀!!下次會再encore!!…Read More

媽咪居澳o既一位好友，一知道我地會去澳門一日遊，就話一定要請我地食餐飯。由於同行o既親友早已計劃行程，午餐及晚餐亦已預先訂座，最終只能抽出下午茶時間與澳門auntie相聚。Auntie真係心思細密，得知我地剛於新葡京酒店進食午膳，所以就特意帶大家去「舊」葡京酒店個咖啡室「不夜天 Noite e Dia Café」飲茶，等大家可以比拼一下兩間酒店。「不夜天」弧形o既正門好夠闊綽，直入大堂即可見到自助餐o既食品，望落都好乾淨企理。廳內左手邊為高咗一級而又半露出大堂o既散座，因為小肥當日行動不便，故我地一行九人被安排入座右手邊近洗手間位置o既長枱，經理哥哥非常細心體貼 。個人覺得，咖啡室內o既光線較為昏暗，四周多面金色o既鏡子襯上紫色o既光管感覺有啲夜總會feel囉 ，同新葡京酒店高雅o既格調截然不同。澳門auntie真係客氣，除咗任由團友們自選食物及飲品之外，仲額外點咗幾款鎮店美食。特色蜜餞豬扒脆包（$55）：喺酒店食豬扒包都係第一次，果然高級過人！熱烘烘o既麵包皮脆包鬆，中間挾住o既炸豬扒不但香脆肉汁夠，配上甜甜o既秘汁食一啲都唔覺油膩，哥哥仲大讚伴碟o既洋蔥、蕃茄、青瓜等配菜都勁新鮮爽甜，全屬靚料 ，$55都好合理。木槺蛋糕（$28）：如相所示，木槺蛋糕層次分明，入口更覺香滑軟熟，簡單可口。Lisboa Club葡京公司治（$110）：豬扒包同木槺蛋糕雖然好味，但都難以同依客葡京公司治相比！XO仔本身口細，所以好怕食公司三文治，但係「不夜天」個公司治成卷狀，而且外層換上咗蛋糕皮，多方面下變得較易入口。葡京公司治魅力凝聚之處在於蛋糕外皮輕輕煎過，糕心軟腍濕潤得黎外表多咗份香脆 。此外，三文治餡除咗有蕃茄、生菜、火腿、蛋之外，小肥最開心就係見到大大粒o既牛油果，另整體香滑不少，美味非常，更可稱得上為細佬食過最正o既公司治 ！配角o既煙肉沙律亦好有睇頭，蔬菜全為高質鮮嫩之選，顏色翠綠鮮艷、質感爽脆多汁，實物與餐牌所示o既圖片無異，真係難得！請留意，由於餐廳亦有提供別款公司三文治，安全起見，落單時最好手持餐牌，並指出圖片，以免服務生混淆。今次短遊澳門，有幸光臨環境格調不同o既兩間葡京酒店，細嚐新舊酒店各有特色o既佳餚美饌，同享貼身o既服務，團友們都大感興奮。不過，整個旅程令小弟留下最深刻印象o既菜式就係「不夜天 Noite e Dia Café」個「Lisboa Club葡京公司治」，外表獨特新穎，美觀又美味，果真令人一試難忘 ！…Read More

對濠江熟悉的朋友，必定對老葡京的一事一物滔滔不絕，賭場、酒店、遊客及餐廳以至內裡裝修的獨特氣質，皆有著說不出的神秘。老葡京餐廳之中，最吸引我的倒是"不夜天"。久聞不夜天自助餐的中式點心及廣東燒味非常有名，早在前幾年已嚐過，但自肋餐既要預早訂位，又要排隊等食物，所以一直都想單點菜式慢慢細味。終於有機會WALK IN，下午2時左右完全不用訂位，更發現餐牌內容極度豐富得像聯合國一樣，有中式點心、廣東燒味、粥粉麵飯、焗意粉飯、葡國菜、各式特飲......。是次與友人單點了以下菜式：1. (非洲雞)葡國菜半隻雞連骨一起鐵板上，不會過熟，雞肉很嫩滑，跟以前到佛笑樓吃的味道不同，佛笑樓的非洲雞汁有淡淡椰香及花生醬味，不夜天的則是酸酸辣辣帶有很強烈的百里香味，各有千秋。2. 是日推介點心拼盤不愧是皇牌推介，大部分試過這裡自助餐的食客都讚點心整得精緻幼細，我以前吃過永利軒午市點心，對比不夜天的，不夜天完全沒有輸蝕之處，而且今次一款一件，炸點又是即叫即炸，用料也鮮。葡京"不夜天"服務方面，無功無過；環境方面，強烈感受到老葡京的風情及十年如一日保養的極好的裝修。有感不到老葡京不算到過梳打埠。 …Read More

新葡京的自助餐是家喻戶曉，沒想到舊葡京自助餐是滄海遺珠。價錢適中，款式多樣化，環境乾淨，味道美味，招呼週到，是不錯的選擇。看圖片擺設巳非常吸引。沒有訂位，到達時已經有人在排隊。經理告訴我們自助餐六時半開始至十時半，位置全滿，只可以排隊坐吧檯。既來之，則安之，我們乖乖地站了25分鐘。準六時半開始，先去取魚生及北寄貝(要快，第一輪我想再取已沒有供應)。中式燒味也是最多人光顧，工作人員替換也快。他們也很有禮貌及勤快，所以地方雖小也不見人龍。甜品款式選擇也多樣化。美中不足是沒有蝦蟹等海鮮。費用包一杯飲品，我們要了中國茶，飽餐一頓之後，坐一會兒，才結賬，時間是九時。…Read More

因為訂唔到日麗就去左試不夜天，點心拼盤$68有8款，4件蒸4件炸炸既就春卷最好食，竟然覺得入面D蔬菜有好清新既感覺。蒸既就個鮑汁餃最好，不過我反而覺得有D似羅漢齋既味，好神奇。其實味道同係日麗食既一樣，$68有齊幾款出名既點心真係好低食。另外點左一個麵包濃蝦湯味道一流，好濃好濃好濃既蝦味，好似係$48咁上下，我覺得物超所值再黎一個焗豬扒飯豬唔係扒，係三條肉，炸得非常好，埋係咁多汁入面都唔淋，而且肉質一D都唔鞋，雖然似係冰鮮肉，肉味唔係太濃，不過個汁已經太好味都唔計較得咁多，平時我好怕好多地方D茄汁好酸，但係佢就反而係甜甜地。呢個午餐食得非常滿意，多謝老陳介紹啊﹗唔係咁多新餐廳，真係會遺忘舊葡京既輝煌。…Read More

六月上旬‧晴每次來不夜天都只會吃無敵焗豬扒飯，這一回有多幾個朋友同來，可以一次過試幾味了。發現了更多好吃的菜式，包括這一味脆米雞漢堡。上面是煎得外微焦而內蜓肉汁充盈的雞肉漢堡，墊底的是香口的飯焦，加入香草汁，值得一試。…Read More

四月下旬‧晴由舊葡京年代開始已經吃這裡的焗豬扒飯，是很出色的。再來又吃，不要看汁醬很多的，但焗得香味道又剛好。豬扒是脢肉位，帶點肥肉質鬆化。飯是最出色的，炒得粒粒分明吃起來又軟熟，非常得！不愧我再來也要再吃這一味，也絕對配得起「葡京焗豬扒飯」之名。…Read More

月頭同班朋友去過食,185蚊一個人.....個人覺得值這個價,食物款式不多, 食物質素差, 服務生的服務態度讓人覺得無奈.....自問不是一個挑食的人, 但當天我真的是不知還能吃什麼/還想吃什麼, 也沒有吃到飽飽, 抱著肚子離開....甜品款式也沒有驚喜可言...當日發生了一段小插曲:我同朋友去拿甜品, 一心以為他們在放些羹和叉在附近,當我們正想拿羹的時候, 服務生告訴我們那些是叉(叉頭用布遮蓋著),我們問那服務生羹在哪裡呢~?那個服務生便指了我們去雪糕那邊拿羹....當時我同朋友都覺得, 與其要跟顧客說羹放哪裡, 那為什麼不放些羹在附近呢?(因為他們有杯裝甜品)宜家澳門有很多自助餐, 價錢比它平, 但質素則比它高很多。…Read More

第二次去食自助餐，吃了金薄蝦餃、燒賣燒味、三文魚、天婦羅牛仔骨楊枝柑露、甜品款式不多但還有即叫意粉、麵及一些熱盤等沒吃，感覺點心差了，其他保持水準，不過 Dinner Buffet 只要 168+10% 就不可以要求太高。…Read More

8點多去到葡京二樓'不夜天' 由於無booking, 所以無枱, 只得bar 位, receiption 姐姐答應有枱即轉, 本來對此沒期待, 但不到十分鐘即有枱,服務態度一讚, 而自助餐以中色為主, 沒有燒牛肉,有魚生,sushi, tempura, 魚生只得4款, 仲係從膠盒中拿出來,不是即切,但味道唔錯.熱盤亦很有水準,特別是燒味, 尤其是阿so曾經推介的油雞, 新鮮嫩滑好味, (我多少亦是為此而來),西式有紅酒牛脷,還有土生葡人菜,tacho,不過由於夏天沒有放臘味冬菇,否則更佳,此外仲有點心,雲吞粉面,甜點只有幾款,特別的是葡國雞蛋絲蛋糕,以本地人為主多,mop168+10% 實在不錯. 埋單才發現仲有雪糕和朱古力噴泉,不過已經食唔落.…Read More

十月份去食過一次, 因為去得太多自助山(未加價前), 聽澳門既朋友講不夜天先係澳門人去既自助餐有壽司魚生, 仲有即蒸點心, 中西菜無缺, 只係無生蠔(食蠔人士要失望了)不過最正係高質素既甜品, 同埋有香港都得番好少地方有得食既"金錢雞!!"以200蚊以下價錢黎講, 掂!…Read More