利軒冰室

營業中

休息中

咁啱想食嘅兩間店舖都係筷子基，就黎覓食啦！筷子基呢個位置都算偏僻，唔係多人流嘅地區，附近都係小舖頭、本地人。我地搵咗一陣，好彩有個善良嘅ee指點我地，話呢間多遊客特登黎食。Menu同室內poster都好吸引🤩，好彩我地有四個人，先可以叫得多啲野食！上菜嘅速度真係好快！🥘招牌喇沙豬扒米粉 $43呢個份量呢個質素，性價比好高！肉好多，豬扒焦香而不油膩，肉質鮮美多汁，湯底濃郁但不重味精。🥪招牌蔥花蛋治 $26蔥花蛋好厚，蛋不會太熟或者太生，係剛剛好，鮮美嫩滑。麵包中間夾住黃油，入口果陣蔥花蛋同黃油合而為一，口感豐富，入口即化。蔥花味道不會好濃，唔生，反正有種鮮味。🥪魔鬼西多士 $35非常邪惡，不愧係魔鬼！！烘烤過的西多士淋上朱古力醬和朱古力餅乾碎，真係好吸引！一切開，仲有流心。不過個人覺得，如果一個人食一整個，應該會好「漏」，同朋友仔一起分享就啱啱好。總結：✨呢個價錢、呢個質素，冇得挑剔。唯一可以挑剔嘅係，香港冇。不過，我地都諗過，如果香港有，就唔係呢個價錢啦😂如果你咁啱去筷子基，可以一試！

睇過好多介紹最近大家都大堆呢間餐廳嘅魔鬼西多，於是走去試試，午飯時間去到已經差唔多滿座。 魔鬼西多士＜MOP35>，麵包炸得好香脆而且完全唔油膩，不過略嫌面頭嘅oreo脆脆味道遮蓋左麵包之間嘅朱古力醬，同埋建議share，因為都比較滯。千層肉醬焗腸粉<MOP43>，肉醬味道濃郁，腸粉比較軟身，整體口感幾特別，值得一提係肉醬係用豬肉，唔食牛嘅朋友仔都可以食，因為現焗大概要等15分鍾左右。特濃鮮蕃茄牛肉通粉<MOP47>，湯底非常濃郁極度驚喜，通粉口感唔會太淋，牛肉份量都頗多。奶茶紅豆冰<MOP27>，茶味十足，紅豆味濃同埋夠淋，如果紅豆再多啲就好啦

▪️ 魔鬼西多士（7/10）💲MOP 35就係俾呢個吸引左😈面頭有好多微脆既Oreo碎，切開係流心忌廉芝士醬，感覺奶味比較重，西多士夾層仲係Nutella🍫成件事極邪惡，但對我老人家黎講太甜膩😂▪️ 招牌蔥花蛋治（7.5/10）💲MOP 26烤烘過既麵包，夾住好香口既蔥花炒蛋，同埋入口即溶既牛油，簡單既滿足感啊🧈▪️ 紅豆冰（6.5/10）💲MOP 24原來呢度係採用椰汁底，不過稍為稀淡，同埋自己始終鍾意牛奶底多少少🫣紅豆煲得都算腍既，但係再多啲豆既話會更好🫘🔎 整體評分（7/10）

網紅冰室終於進駐氹仔區，對好多人嚟講都方便咗好多。今日下午茶時段嚟到都見到店內坐滿曬人，門口仲有人等緊位，果然好有人氣！▫️利軒豬扒包 (MOP $35)烘咗嘅麵包咬落脆卜卜，夾住豬扒，洋蔥同沙律醬一齊食唔會好乾，豬扒大大塊而且冇骨，幾好食！▫️魔鬼西多士 (MOP $35)西多士上面鋪滿朱古力醬同oreo碎，一切開入面嘅朱古力煉奶同忌廉芝士醬就好似瀑布咁流曬出嚟，視覺效果滿分！西多士炸到外脆內軟，入面仲有nutella榛子醬，咬落脆脆地幾有口感，但係食多兩舊就覺得滯，最啱同人share🤤Overall rating (5粒⭐️為滿分)味道：⭐️⭐️⭐️⭐️服務：⭐️⭐️⭐️⭐️環境：⭐️⭐️⭐️⭐️性價比：⭐️⭐️⭐️⭐️✨想睇更多食評就記得follow - hk holiday diary