法蘭度餐廳

營業中

休息中

第1次嚟黑沙海灘呢邊，知道有呢間都算好耐嘅葡國菜餐廳，所以12點前已經排隊等開門，去到都已經有幾個family向到等緊，然後陸續都有人排隊，看似真係幾出名咁，等到侍應帶位，到落完單，基本上已經滿座。燒乳豬- 葡菜我一定會必點嘅，呢間個皮都係好脆 肉質都好滑，仲配薯條同沙律菜，必食！！炒蜆- 好入味，好多蒜蓉，味道又唔同平時食嘅豉椒炒蜆，整體嚟講都好好食。馬介休球- 又係必點葡菜，好香嘅魚味，初初以為應該會好咸，但食落又唔會。釀魷魚- 幾特別，同埋啲魷魚幾有咬口，不過個人覺得偏咸，如果有白飯就會比較好。SANGRAI- 唔太好飲酒嘅我，最後都飲左兩杯，佢嘅酒味係偏淡易入口嘅。

係呢到要借個位多謝老闆娘!! 事緣尋日同朋友去法蘭度食晏, 野食全部都好好食, 3個女仔叫左1 JAR SANGRIA飲, 飲完朋友飲左兩杯想嘔去洗手間, 行行下跌左落地, 仲跌到下唇要縫針我地香港黎想搵醫院都唔識路, 老闆娘好好人咁搵人車左我地去醫院!!! 係呢到真係要好好多謝老闆娘!!

在澳門一來很難截的士，二來若不熟路隨時被的士司機撓路成為羊牯，所以我通常都會坐酒店穿梭巴土或乾脆坐澳門公共巴士算了再説由金沙城中心到黑沙海灘的法蘭度葡國餐廳雖然沒有酒店穿梭巴土路線，但其實坐公共巴士超方便呢，在新濠天地與威尼斯人之間的大馬路巴土站 (站名"連貫公路/新濠天地")坐任何到黑沙海灘的路線也可以 (我坐了25號)直坐到總站就可以了，大約20分鐘就到，車費Mop 3.6下車向前走就會見到法蘭度葡國餐廳了平日晩上到店，只等了五分鐘就入座，穿過餐廳花園到達紅磚屋紅磚屋很有情調呢，雖然餐廳沒有冷氣，但樓底夠高空氣流通很清爽先送來巨型脆皮豬仔包，我喜歡用來沾炒蜆的湯汁吃葡國餐必點的Sangria，用紅酒及水果調制而成，酒精不重有果香，很易入口炒蜆很惹味，不太咸，精華盡在湯汁裡面，豬仔包在此發揮作用白烚菜，就是水煮菜心，跟在家吃到的差不多，店員説可加橄欖油伴吃強烈建議要點菜以減去葡國菜式的油膩感炸馬介休球，馬介休即是葡式鹹魚，將馬介休混入薯蓉中炸成球型， 可説是小孩至愛呢葡國煎牛扒，牛扒很大塊很嫩呢，味道充滿蒜香味，另伴有炸薯條和煎蛋，但要記住法蘭度是沒提供番茄汁的，不過以薯條沾牛扒汁就

為了趕及晚上八時半的船及避開晚飯潮, 5時多便乘巴士去. 非常舒服, 巴士上有位坐, 餐廳亦不多人. 環境真舒服, 可能無乜客人; 可以安安靜靜, 優哉遊哉食一頓飯, 美極.點菜後, 即來了三大個麵包, 可惜唔係熱的, 不過後來點汁食, 真係可以成個食晒.燒大蝦 : 肉質有 D 散, 可能天氣熱, 可能唔太新鮮.  但調味不錯炒蜆 :  調味一流, 用來點包一流, 雖然有D 油膩, 但值得一試. 蜆肉肥美飽滿, 但間中一兩粒蜆有沙.燒乳豬 : 味道適中, 不太鹹, 肉質鮮嫩, 果然係推介. 但個人認為可以再燒耐一點, 皮可以再脆一點.  伴碟薯條吸晒D 油, 又 '林' 又油, 見到個樣都唔係好想食; 如果可以改為 side dish 上就好了.燒豬骨 : 完全過火, 鞋過鞋底, 無調味.... 敗筆   這碟薯條比燒乳豬的好一點, 因為鞋底豬骨無油滴下去.蛋布甸 : 質感似 Custard, 係朋友叫的, 我無試, 因對西方甜到漏的蛋漿物體無太大興趣.

打左百五蚊的士, 飛到過去都係6:30pm, 未見好多人等, 企左一陣就有位。睇左天書, 一早知無冷氣 但原來水都無得供應, 唯有叫汽水同啤酒飲。叫左支葡國啤酒, 飲落同其他牌子既啤酒無乜分別, 仲加送兩個大包, 外面脆脆地。兩個人叫左碟炒蜆食, 跟港式既炒法有D唔同, 不過有D有沙最後到左推介脆皮乳豬, 專登入黎都係試呢味, 奇怪係無茄汁俾我點薯條, 得芥辣同檸檬汁, 乳豬都ok, 皮夠脆但略嚴肥左小小, 所以食左兩舊就滯住個胃。餐廳介紹為左保留田園既感覺所以一年365日都唔會有冷氣, 同餐廳係不設訂位, 9:30就拉閘好有性格, 但真係偏僻左小小。

坐了十五分鐘巴士，從路環到黑沙灣，途中風景，已為這餐晚飯做了熱身。黑沙灣，逃離人煙的好地方，而且有這間餐廳！可能是平日，不用等位。兩個人坐下來，點了三個餸，炒蜆、燒立魚，以及必定要食的 - 燒乳豬。食飯除了味道，環境、衛生，服務員態度也很重要，這裡不錯。若去澳門，想離開搏殺吹頂聲，來這裡.. 最好是和異性吧！

多年前曾慕名到訪的法蘭度餐廳，今次舊地重遊尋找昔日的味道，葡式燒乳豬仍是我的首選，燒沙甸魚是我的最愛，免費提供的麵包一個都不會放過。葡式燒乳豬：皮脆肉嫩，肉汁豐富，食了一件還想再食，可見老闆選材獨特。燒沙甸魚：材料新鮮有濃郁的魚油味，經炭燒後特別甘香，魚肚內還有美味的魚春呢！加上橄欖油及香醋分外美味。麵包：每天新鮮出爐，外脆內軟，搽上牛油特別好吃，另外，當麵包遇上炒蜆汁更是天生一對。炒蜆：新鮮的蜆與獨特的醬汁，非常配合，可惜間中食好有沙。鹽燒骨及菜沙律：味道一般，可以不試。法蘭度多年來仍能保守水準，去澳門食葡國菜首選，老行尊”法蘭度” 餐廳。