位於近祐漢的黑沙環區小巷內有間老字號麵店錦興咖啡麵食，以大件夾抵食著名。而且店員姨姨都非常親切友善，既有人情味，食物又好味！

沙丹雞扒飯 $30

錦興的酥炸雞扒是絕對要試的名物，外皮十分鬆脆可口，雞扒亦充滿肉汁，絕不怕乾柴柴。單點雞扒飯29元，多加一隻太陽蛋和醬汁變為雞扒飯都只是多加一蚊，而且飯量還不少！

黑椒豉椒排骨濕炒麵 $35

餐廳用的碟已經很大，炒麵還是鋪到幾乎爆滿，可見份量非同小可。排骨厚肉而且豉椒味香濃，配料有大量洋蔥、青椒和少少辣的紅椒。麵條方面炸至乾身脆口，就算給汁料浸過後仍保持香脆口感。

雲吞菜撈米 $30

小編惠顧當天這碟米上桌時只有四粒雲吞，當時已覺得很豐富，因為雲吞非常大粒。但轉頭店員姨姨給我一個裡面放了一粒雲吞和湯的碗仔給我，說剛才放漏了一粒，她不說真的不知道，可見店家十分老實，抵讚！水準方面，雲吞餡料內放了不少蝦肉，豬肉亦調味到位。

牛腩豬皮撈麵 $30

牛腩和牛筋都燘得夠入味又夠腍，豬皮爽口。值得一提是店家自製的辣醬非常惹味，可以撈勻麵條吃，亦可以用來給配料點綴。

雞扒包 $20

包類亦富有水準，豬仔包鬆脆，夾上香酥多汁的招牌雞扒，令人食指大動。

熱檸檬薑樂 $17

一般茶記常見檸樂和薑樂，兩樣同時出現在餐牌就甚少見到，又或是要再另外加錢，這裡17元就飲到，價錢公道。

凍奶茶 $13

奶茶亦不錯，奶和茶調配得得宜，不怕苦澀亦不怕過淡。

錦興咖啡麵食
地址：祐漢黑沙環第一街8號地舖

文：Karen
編輯：macau@openrice.com