韓閣 (已結業)

天氣開始涼涼地最岩就係食熱喇喇既韓國野！經OpenRice 見到韓閣既食評同相都幾吸睛，價錢仲幾相宜，一於就去馬幫襯啦！我地兩個人叫左個韓閣歡樂盤，仲另外叫左個面，估唔到份量都好多，淨係歡樂盤已經塞飽左個肚。同埋配菜都好用心，每樣都好新鮮！除左堂食。餐廳仲做緊優惠，消費滿二百就可以加一蚊得到炸雞，非常之咁jetso! 雖然話就話韓國野但辣道我自己覺得餐廳有調校到岩香港人口味，非常貼心！餐牌都有好多唔同選擇，總有一樣係岩大家既！