影片
更多
2025-03-14
92 瀏覽
✿╮❤╭✿✿雜感女生 好味日記✿˚*•✰。Yadllie Plate．抵食炸雞大滿足！。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤ ❤ 朋友講起想食炸雞，我同朋友即時想到Yadllie Plate！呢間餐廳主打韓式炸雞同埋多款韓式料理，價錢合理之餘，份量仲好足料，絕對係一班朋友聚餐嘅好選擇！尤其係佢哋嘅炸雞，真係抵食又好食，食完仲想encore！ 1. 紫菜手抓飯一上枱就見到個紫菜手抓飯擺得好精緻，紫菜碎、芝麻、蘿蔔絲同埋飯撈埋一齊，店員或自己動手撈勻來食，感覺好過癮！飯粒軟硬適中，紫菜香氣撲鼻，加埋少少麻油味，食落好開胃。最正係可以自己搓成飯波，一口一粒，好適合share食，仲可以為之後嘅炸雞大戰熱身！ 醬豬蹄醬豬蹄係另一道必試嘅菜式！豬蹄煮得夠晒軟腍，入口即化，醬汁香濃得嚟唔會過鹹，仲帶少少甜味，完全冇豬膻味。每一啖都充滿膠質，食完覺得自己皮膚都滑咗（笑）！份量都幾大，建議多人share食。 半半炸雞（大邱辣醬 + 蜜味乳酪粉）主角登場！半半炸雞可以揀兩款口味，我哋揀咗大
✿╮❤╭✿✿雜感女生 好味日記✿
˚*•✰。Yadllie Plate．抵食炸雞大滿足！。✰•*˚
✿✿小資女的Dolce Vita✿✿
❤餓底飯聚．食勻全世界❤
❤吾係POL - Peggy On Line．Proof Of Life❤
❤
朋友講起想食炸雞，我同朋友即時想到Yadllie Plate！
呢間餐廳主打韓式炸雞同埋多款韓式料理，
價錢合理之餘，份量仲好足料，絕對係一班朋友聚餐嘅好選擇！
尤其係佢哋嘅炸雞，真係抵食又好食，食完仲想encore！
1. 紫菜手抓飯
一上枱就見到個紫菜手抓飯擺得好精緻，
紫菜碎、芝麻、蘿蔔絲同埋飯撈埋一齊，
店員或自己動手撈勻來食，感覺好過癮！
飯粒軟硬適中，紫菜香氣撲鼻，加埋少少麻油味，食落好開胃。
最正係可以自己搓成飯波，一口一粒，
好適合share食，仲可以為之後嘅炸雞大戰熱身！
醬豬蹄
醬豬蹄係另一道必試嘅菜式！
豬蹄煮得夠晒軟腍，入口即化，
醬汁香濃得嚟唔會過鹹，仲帶少少甜味，完全冇豬膻味。
每一啖都充滿膠質，食完覺得自己皮膚都滑咗（笑）！
份量都幾大，建議多人share食。
半半炸雞（大邱辣醬 + 蜜味乳酪粉）主角登場！半半炸雞可以揀兩款口味，
我哋揀咗大邱辣醬同蜜味乳酪粉。
大邱辣醬真係辣得嚟好過癮，醬汁濃郁，
辣味層次分明，食完仲有少少回甘，
啱晒鍾意食辣嘅朋友！
至於蜜味乳酪粉，就係甜中帶少少酸，
乳酪粉嘅香氣同炸雞嘅脆皮完美結合，食落一啲都唔膩。
炸雞外皮脆到爆，入面嘅雞肉仲keep到juicy，真係無得彈！
仲有佢哋嘅烤番薯條，外脆內軟，
甜度啱啱好，同炸雞係絕配！
3. 香炸雞腎拼雞腳小食方面，我哋試咗香炸雞腎拼雞腳。
雞腎炸得香脆，咬落去有嚼勁，
雞腳就更加驚喜，外皮炸到脆卜卜，
真係停唔到口！呢款小食絕對係送酒或者送飲品嘅一流選擇。
5. 八爪魚煎餅
八爪魚煎餅真係足料到爆！
每一塊煎餅都食到大大粒嘅八爪魚，
彈牙又鮮味，煎餅外層煎得香脆，
入面仲保持到濕潤，點埋佢哋特製嘅醬汁，
味道更加提升，真係好滿足！
飲品：草莓乳酸梳打 + 藍橙荔枝梳打
食咁多濃味嘢，當然要飲返杯特飲解膩！
草莓乳酸梳打酸酸甜甜，草莓味好突出，
飲落好清新；
藍橙荔枝梳打就更加特別，
藍橙嘅香甜同荔枝嘅清香完美融合，
飲落好refreshing，仲好啱打卡添！
張貼
