富臨酒家

營業中

休息中

大廚好煮意，抵食 酒樓]疫情之下喺屋企煮咗好耐飯仔又有段時間冇同媽媽出街食飯，於是今晚就同老婆、媽媽嚟咗富臨開餐。酒樓位置交通方便，長沙灣地鐵站行過嚟亦只是三、四分鐘路程。出發前上網check過，酒樓近排做緊Promotion，脆皮炸子雞 $68，其它小菜、海鮮、燉湯⋯性價比都好高！認真抵食。脆皮炸子雞我最喜歡嘅一道菜，單睇賣相已經相當吸引。皮脆肉嫩，色、香、味齊，加上炸到剛剛好，唔覺唔覺食咗好多件，推介之選。豉蒜涼瓜炒牛肉炒得好香口，涼瓜入口帶甘，牛肉份量唔少，肉質爽滑，醬汁味濃帶豉蒜味，正。鮮腐竹浸菜心菜心新鮮易入口，菜夠大碟，配以特濃上湯，清爽可口。大廚手勢，街坊價錢，嚟酒樓食絕對平過去餐廳食或自己煮，食物出品一啲都唔馬夫，坐得舒服，食得盡興，去富臨都係個唔錯嘅選擇。