Veggie4love

營業中

休息中

餐廳：Veggie4love地點：中環士丹利街菜式：素食餐牌：前菜、小食、漢堡、主菜、飲品。星期一至五午餐附送餐湯及餐飲。餐湯（跟餐）是日餐湯係西洋菜湯，一點完菜就上。好少飲西式西洋菜湯，好特別，略顯太薄身。Trip to Bali $148 另加一印尼加多加多沙律、炸豆腐、腰果、大豆炸物伴椰汁飯Trip to Bali賣相不俗，材料豐富。兩串大豆炸物入口彈彈地牙，口感好似食緊肉丸，好唔錯，醬汁都幾好。中間椰汁飯個椰漿好香，可惜唔夠餸嗮d飯。伴有兩片新鮮番茄同青瓜，配咖哩汁就夠味。印尼加多加多沙律醬汁好多，口感好淋，味道幾好，加有脆口腰果加添口感，如果分量多d更好。大豆炸物後面仲有兩件香脆炸豆腐，另外仲有蝦片兩片同香蕉1/4條。食完呢碟都好夠飽。藍莓石榴和巴西莓茶（跟餐）跟餐餐飲有多款選擇。藍莓石榴和巴西莓茶莓味好香，少少甜甜地。座位可以，要用轉數快比錢，價錢唔算平，勝在素食選擇多。