MELLOW BROWN COFFEE by UCC

營業中

休息中

早排行太古城在某角落見過這店，今次又去太古城，就去試試，因為UCC品牌店有保證。自己都有去開UCC其他的分店，這店屬於比較細的，入門左邊處還要放1張4人（又似6人）的餐枱及梳化，可能方便一家大細，但就搞到其他的餐枱位置就坐得比較迫（門口的右邊的位置）。另外有張2人枱面向玻璃及面向行人走廊（有1張係高枱添），個人覺得沒有私隱及令人有點尷尬，但剛好係下午茶時間，好快坐滿了。食物叫咗黑松露醬珍珠帶子蘆筍意粉，鮮蝦車厘茄意粉（忌廉蝦汁），加2杯UCC招牌咖啡。主食味道唔錯夠熱，另咖啡係可以叫起，食完主餐再叫起，天氣涼時飲杯熱辣辣咖啡，加分，超正！地方整潔，員工服務正常。除咗座位比較迫之外，整體尚算OK。可以再去這店。