影片
更多
2019-09-27
723 瀏覽
黎諾士佛臺多數係飲嘢聚聚，今次同朋友黎食晚飯，傾下計。餐廳喺商廈裡面，由於比較早食晚飯，一入到餐廳，仲未有其他檯客人，感覺靜靜地，好舒服。餐牌供應酒類嘅款式幾多，亦有晚餐套餐同小食供應。同朋友都唔算太餓，只係叫左一個套餐+小食。套餐包餐湯及沙律，餐湯係蘑菇湯，裡面有打碎左嘅蘑菇粒，味道適中，幾好飲，沙律份量都唔細，食得出幾新鮮。小食—香煎芝麻吞拿魚柳一碟份量都唔小，半生熟嘅吞拿魚柳口感外脆內軟，加埋檸檬汁酸酸地食好開胃！主菜—蜜棗中東羊肉嘩！份量好大份，兩個女仔share食都好足夠，配菜都好豐富，有沙律同薯角，羊肉煎得剛好，切開呈粉紅色狀，肉質嫩，配嘅汁帶點辣味，當中嘅蜜棗更加畫龍點睛，咸甜咸甜嘅味道能夠中和肉質嘅膩，好夾！連伴碟嘅薯角都做得唔錯，炸得脆身。飲品叫左Mocktail—Shirley Temple 2nd，係味道較為酸嘅一杯，酸酸地好開胃！裡面加入左lime, orange juice & lemonade，同主菜肉類都好夾。整體來講，無論食物質素、餐廳環境、服務各方面都幾好，會再encore的！
餐牌供應酒類嘅款式幾多，亦有晚餐套餐同小食供應。同朋友都唔算太餓，只係叫左一個套餐+小食。
套餐包餐湯及沙律，餐湯係蘑菇湯，裡面有打碎左嘅蘑菇粒，味道適中，幾好飲，沙律份量都唔細，食得出幾新鮮。
小食—香煎芝麻吞拿魚柳
一碟份量都唔小，半生熟嘅吞拿魚柳口感外脆內軟，加埋檸檬汁酸酸地食好開胃！
主菜—蜜棗中東羊肉
嘩！份量好大份，兩個女仔share食都好足夠，配菜都好豐富，有沙律同薯角，羊肉煎得剛好，切開呈粉紅色狀，肉質嫩，配嘅汁帶點辣味，當中嘅蜜棗更加畫龍點睛，咸甜咸甜嘅味道能夠中和肉質嘅膩，好夾！連伴碟嘅薯角都做得唔錯，炸得脆身。飲品叫左Mocktail—Shirley Temple 2nd，係味道較為酸嘅一杯，酸酸地好開胃！裡面加入左lime, orange juice & lemonade，同主菜肉類都好夾。
整體來講，無論食物質素、餐廳環境、服務各方面都幾好，會再encore的！
張貼
