The Hunt Coffee & Roastery

營業中

休息中

身為甜品控，尤其是Tiramisu。當然會周圍試吓啲口碑好嘅餐廳。今次嚟到觀塘商業區，試呢間身邊朋友一致讚好嘅西餐廳。而我當然係為佢哋出名嘅tiramisu 而來啦。一來到餐廳，餐廳裝潢都頗有格調，環境寬敞，枱與枱之間距離都好唔會隔好近，好適合同朋友傾計或者一個人休閑me time都唔會比隔離枱騷擾到。今次我講到明係為Tiramisu而來，二話不說就點餐。— Hunt Signature Tiramisu⁷⁸一上菜當然手機食先，Tiramisu面金黃色的風乾橙片，外觀好靚，見到都流晒口水。手指餅明顯浸左足夠嘅咖啡同酒，入口有香濃嘅咖啡香味，仲有微微嘅冧酒味，乾濕程度恰到好處不太濕，咬落去仍保持脆口，沒有因浸泡過久變得過濕同軟身而冇口感，值得一讚。另外配合軟滑忌廉、果乾，加上面層嘅朱古力脆片同可可粉，整體口感味道非常豐富 。