Amina Modern European (已結業)

朋友推介尖沙咀呢間Amina，話食物質素高，casual得黎又好有情調。今次點左8 courses wine pairing menu, 每一道菜都會配上相應嘅酒。自家製麵包配自家的smoked butter，有四款麵包，無論形狀同顏色都各有千秋，整體賣相好靚，入口鬆軟。其中南瓜包同朱古力包真係食到人流哂口水！白露荀冷盤，佐青葡萄、柚子凍及三色海藻。只係外觀已經贏左我呢個外貌協會個心！黃色柚子凍好明豔，白露荀美觀，三色海藻加添一點綠，非常討喜，入口更係清清爽爽。露荀味道清淡，配上微酸的柚子果凍，真係一個好好的開胃前菜！接骨木花風味漬帶子紅藜麥搭配飛魚卵。帶子面積巨大，鮮嫩可口，飛魚卵由紅藜麥包裹，口感新奇創新，味道唔錯。主菜黎啦！煎烤伊比利豬柳，配焦香牛蒡及蔬菜，佐苗香酒醬汁。整碟主菜簡直係藝術，無論擺碟定顏色都好靚，豬柳鮮嫩可口，肉質好實好滑，粒粒椰菜圖滾滾，伴碟一流，而醬汁更係畫龍點睛。最後以甜品橙香蛋糕做結束。今次Amina覓食之旅充滿驚喜，每一道菜都精緻好食，餐廳又夠情調，好適合拍拖同二人世界，推介！