影片
更多
2023-01-02
363 瀏覽
之前已經想食嘅一間餐廳，見朋友食過都話唔錯，就試下啦，橫掂之前想食pizza。以前荔枝角真係乜都無，而家基本上乜嘢菜式都有，呢間The pizza pig都幾出名，又開咗分店，相信應該水準唔會差。真係搞笑，以前喺荔枝角冇嘢食，而家搬走咗就成日返荔枝角食嘢。兩個人，一個薄餅，一個前菜，一個主菜，剛剛好。先點兩杯mocktail，Mango Mule同Tropical Punch，有板有眼，不錯的，可惜揸車無得飲酒，唔係，送薄餅應該飲酒好好多。SIGNATURE PIGGIE，話明signature，招牌鬼馬"豬”意薄餅用上招牌手撕豬手、意大利香草肉腸、辣肉腸、火腿、烤燈龍椒、紅洋葱、水牛芝土、蕃茄醬，加上佢獨特嘅造型，味道不錯，而且個脆皮都幾好，怪不得啲人話值得為個薄餅而來。難得今日兩個都食牛肉，主菜當然要叫牛扒。美國特級安格斯肉眼扒加上薯條，上枱嘅嗰一刻真係鋒芒畢露，炭香加上佢嘅外型真係有100分，不過最緊要係佢哋嘅薯條，真係好好食，追多上幾間之前出名好食嘅薯條。我咁鍾意食意粉，當然要叫一個試吓蒜辣白酒煮蜆意粉係是出呢間店坊嘅水準，最好一個選擇，通常食意大利野一係叫肉醬意粉，一係叫ca
以前荔枝角真係乜都無，而家基本上乜嘢菜式都有，呢間The pizza pig都幾出名，又開咗分店，相信應該水準唔會差。真係搞笑，以前喺荔枝角冇嘢食，而家搬走咗就成日返荔枝角食嘢。
兩個人，一個薄餅，一個前菜，一個主菜，剛剛好。
先點兩杯mocktail，Mango Mule同Tropical Punch，有板有眼，不錯的，可惜揸車無得飲酒，唔係，送薄餅應該飲酒好好多。
SIGNATURE PIGGIE，話明signature，招牌鬼馬"豬”意薄餅用上招牌手撕豬手、意大利香草肉腸、辣肉腸、火腿、烤燈龍椒、紅洋葱、水牛芝土、蕃茄醬，加上佢獨特嘅造型，味道不錯，而且個脆皮都幾好，怪不得啲人話值得為個薄餅而來。
難得今日兩個都食牛肉，主菜當然要叫牛扒。美國特級安格斯肉眼扒加上薯條，上枱嘅嗰一刻真係鋒芒畢露，炭香加上佢嘅外型真係有100分，不過最緊要係佢哋嘅薯條，真係好好食，追多上幾間之前出名好食嘅薯條。
我咁鍾意食意粉，當然要叫一個試吓蒜辣白酒煮蜆意粉係是出呢間店坊嘅水準，最好一個選擇，通常食意大利野一係叫肉醬意粉，一係叫carbonara，蒜辣白酒煮蜆意粉就係第三個可以試到佢哋水準嘅選擇。軒嘅數量都幾多，蒜香酒香全部都滲入意粉入面，唯獨是意粉未必係自家手做，呢度扣咗少少分。
意大利食甜品就當然少不了Tiramisu，呢間唔算係人人講嘅店舖來講，佢嘅Tiramisu都算真係做得貨真價實，我最鍾意佢嘅酒香，而且有時淨係俾一小舊你，但係呢個T就非常之大件，基本上夠四個人食。
星期一晚上，佢唔算太多人，空間感十足，如果想靜靜地同朋友食飯傾偈，呢度都真係一個幾唔錯嘅選擇。
張貼
