影片
更多
2021-11-05
37 瀏覽
已經好多年冇去泰國啦，行過銅鑼灣見到呢間舖頭嘅裝修幾特別，門口嗰㗎篤篤嘅擺設，真係令人好懷念仲可以去泰國旅行嘅日子，所以我就揀咗入嚟試吓佢哋嘅船麵同埋泰式小食。⭕️泰式小食拼盤 （$69）-泰式炸蝦餅 -炸雞翼-炸芝士雲吞每款有兩件，全部都係新鮮炸起，熱辣辣脆卜卜，香口得嚟唔會油淋淋。蝦餅係用一層薄炸醬包住彈牙嘅蝦膠，點埋甜酸醬就更加惹味。雞翼夠味之餘入邊Juicy。自己都好鍾意食炸雲吞，呢度嘅雲吞特別在佢入邊係芝士餡，咸咸香香幾特別。⭕️頂級安格斯牛肉船麵（$89）- 湯底可以揀：清湯/船湯/冬陰功湯- 麵就可以揀：河粉/薯粉/金邊粉/黃麵/湯飯- 餸可以揀：牛肉、黑豚肉、卜卜蜆、連和牛同埋龍蝦都得揀，豐儉由人🤩我哋就揀咗船湯配黃麵，湯底香濃帶微辣，配料有炸豬皮、魚蛋同埋秋葵。索晒湯汁嘅炸豬皮勁惹味，牛肉大概有四至五片，腍滑又有牛味。麵入邊有爽口嘅芽菜，食落口感更加豐富。最後我哋仲encore咗一個泰式炸蝦餅（$49）😌即叫即炸真係太好食喇。泰式青檸梳打特飲（$28）由自己加入獅牌嘅梳打水，酸酸哋又夠晒氣👍🏻另外佢哋仲有泰式嘅火鍋，如果用上船湯湯式底嚟打邊爐，一定會好好食，等我下次凍啲再
已經好多年冇去泰國啦，行過銅鑼灣見到呢間舖頭嘅裝修幾特別，門口嗰㗎篤篤嘅擺設，真係令人好懷念仲可以去泰國旅行嘅日子，所以我就揀咗入嚟試吓佢哋嘅船麵同埋泰式小食。
⭕️泰式小食拼盤 （$69）
-泰式炸蝦餅
-炸雞翼
-炸芝士雲吞
每款有兩件，全部都係新鮮炸起，熱辣辣脆卜卜，香口得嚟唔會油淋淋。蝦餅係用一層薄炸醬包住彈牙嘅蝦膠，點埋甜酸醬就更加惹味。雞翼夠味之餘入邊Juicy。自己都好鍾意食炸雲吞，呢度嘅雲吞特別在佢入邊係芝士餡，咸咸香香幾特別。
⭕️頂級安格斯牛肉船麵（$89）
- 湯底可以揀：清湯/船湯/冬陰功湯
- 麵就可以揀：河粉/薯粉/金邊粉/黃麵/湯飯
- 餸可以揀：牛肉、黑豚肉、卜卜蜆、連和牛同埋龍蝦都得揀，豐儉由人🤩
我哋就揀咗船湯配黃麵，湯底香濃帶微辣，配料有炸豬皮、魚蛋同埋秋葵。索晒湯汁嘅炸豬皮勁惹味，牛肉大概有四至五片，腍滑又有牛味。麵入邊有爽口嘅芽菜，食落口感更加豐富。
最後我哋仲encore咗一個泰式炸蝦餅（$49）😌即叫即炸真係太好食喇。
泰式青檸梳打特飲（$28）
由自己加入獅牌嘅梳打水，酸酸哋又夠晒氣👍🏻
另外佢哋仲有泰式嘅火鍋，如果用上船湯湯式
底嚟打邊爐，一定會好好食，等我下次凍啲再嚟試吓先。
張貼
