茶湯會 (新都城中心) (已結業)

今日黎到寶林站新都城中心二期既茶湯會，門面望入去比起一般既台式飲品店，更寬敞更舒適，就好似佢地舖名咁，真係似去左茶會品茶咁。店面有2張枱，可以叫完坐底慢慢飲，岩晒我地，行街行到攰攰地同屋企人坐底飲啖茶食返個Tea.我地2大2小 一行四人，叫左一杯黑糖 觀音晶球拿鐵，一杯水果茶，一杯 燕麥觀音拿鐵加珍珠另加一份 香辣吞拿魚吐司。黑糖觀音晶球拿鐵，晶球顏色比一般珍珠淺，但更Q彈，口感更好。水果茶，有香濃既百香果，酸酸甜甜好開胃，加埋百香果籽既口感，成杯感覺都好清新。燕麥觀音拿鐵加珍珠，第一次飲熱既台式飲品，又估唔到燕麥同觀音茶可以咁夾，咁好飲，三杯飲品中我就最鐘意燕麥觀音拿鐵。香辣吞拿魚吐司，入邊好足料，除左吞拿魚仲有雞蛋同芝士，加埋香辣醬，小小辣，好野味。