La Serene Caffè

營業中

休息中

今次嚟到位於SOGO CLUB嘅餐廳，環境睇落去好靚，而且坐得幾舒服。出面仲有個counter係放甜品同埋沖野飲，啲咖啡味仲聞落去好香tim。我哋叫咗三個set餐，加少少錢就會送埋湯同餐包，而今日嘅餐湯就係雜菜雞絲薏仁清湯，感覺有啲似中湯，不過好養顏。主菜我哋叫咗燒乳豬脾配蜜糖芥末汁，豬脾嘅皮好脆，豬肉都好嫩口。然後我哋仲叫咗煎安格斯西冷配辣根醬燒汁，西冷扒大概七八成熟，口感結實，肉質都好濃郁。我哋仲叫咗蒜蓉牛油焗波士頓龍蝦伴忌廉汁米形意粉，龍蝦啖啖肉，配埋個蒜蓉牛油食落去好香好鮮甜，再加埋個忌廉汁米形意粉，好creamy好濃郁。最後餐飲方面，我哋叫咗熱奶茶，呢度好特別係會分別比紅茶同埋奶自己Mix埋黎沖，咁就可以調配出自己個人口味嘅奶茶。