影片
更多
2019-03-21
504 瀏覽
又出動啦 🍴 .我地星期六日既夜晚去食, 都幾多人下如果繁忙時段去最好訂位啦好在店員幫我地留左位就即刻有得入去坐luu .叫完野食之後, 隔左一陣野飲就上左西柚, 芒果果汁特飲幾好飲, 其實係果味汽水, 飲落似係真係加左果汁, 有果肉，藍色檸檬就太甜同無咩檸檬味好快就再上埋醬燒牛肉 同 超大串燒 醬燒牛肉 中間有一大堆已經調好味既牛肉片, 比下面既洋蔥絲同少量蘿蔔絲墊住, 保護洋蔥唔好燶既係幾箸韓式粉絲, 牛肉上面再加上少少青菜同金菇, 整個賣相同擺位都唔錯. 開火燒左一兩分鐘洋蔥開始出水, 呢個時候要出手好似炒d 牛肉咁樣撈一撈, 入面d 料太多好容易跌出離所以唔好撈得太過興奮 開心既係洋蔥唔辣gah 反而好甜; 牛肉唔會過鹹, 但足夠入味而且非常腍身, 睇相都見到肉多過肥; 韓式粉絲略嫌唔夠煙韌, 盛器亦可考慮加長深度超大串燒睇Menu 已經覺得架勢 -- 佢係一個一米長既串燒你問點食架?? 我都係到食果刻先知, 原來係鐵板燒 侍應會分開幾次咁幫你幾層幾層拆落黎, 剪成適當大小咁比你自己燒呢個串燒入面有豬肉, 雞肉, 司華力腸, 雞肶菇, 紅綠燈籠椒, 菠蘿, 洋蔥, 蔥頭，而蔬菜
我地星期六日既夜晚去食, 都幾多人下
如果繁忙時段去最好訂位啦
好在店員幫我地留左位就即刻有得入去坐luu
.
叫完野食之後, 隔左一陣野飲就上左
西柚, 芒果果汁特飲幾好飲, 其實係果味汽水, 飲落似係真係加左果汁, 有果肉，藍色檸檬就太甜同無咩檸檬味
好快就再上埋醬燒牛肉 同 超大串燒
醬燒牛肉 中間有一大堆已經調好味既牛肉片, 比下面既洋蔥絲同少量蘿蔔絲墊住, 保護洋蔥唔好燶既係幾箸韓式粉絲, 牛肉上面再加上少少青菜同金菇, 整個賣相同擺位都唔錯. 開火燒左一兩分鐘洋蔥開始出水, 呢個時候要出手好似炒d 牛肉咁樣撈一撈, 入面d 料太多好容易跌出離所以唔好撈得太過興奮
開心既係洋蔥唔辣gah 反而好甜; 牛肉唔會過鹹, 但足夠入味而且非常腍身, 睇相都見到肉多過肥; 韓式粉絲略嫌唔夠煙韌, 盛器亦可考慮加長深度
超大串燒睇Menu 已經覺得架勢 -- 佢係一個一米長既串燒
你問點食架?? 我都係到食果刻先知, 原來係鐵板燒
侍應會分開幾次咁幫你幾層幾層拆落黎, 剪成適當大小咁比你自己燒
呢個串燒入面有豬肉, 雞肉, 司華力腸, 雞肶菇, 紅綠燈籠椒, 菠蘿, 洋蔥, 蔥頭，而蔬菜都會放係肉之間, 咁煎出黎就每次都會有亮眼既鮮色同煎肉既黃金色, 望落會好滿足; 呢度豬肉較雞肉出色, 雞肉普通但豬肉肥瘦適中, 肉身唔會過油但質地夠軟, 唔會好多渣. 睇色, 亦唔覺有用到鬆肉粉; 菠蘿為新鮮非罐頭菠蘿, 香腸做得幾正宗, 大家不妨試下, 肉質味道同外國香港既都有d 分別.
最後黎既芝士雞蛋卷一般般, 同menu pic 唔同既係佢地用左茄汁淋面, 再用沙律醬寫上Dalin Pocha 佢地既餐廳名; 蛋煮得稍微老, 內裡既芝士亦唔多而且溝稀左, 唯獨呢度扣左d 分
張貼