影片
更多
2016-07-28
5050 瀏覽
好姐妹轉新工有一段時間，沒都無好好同佢慶祝一下。呢晚我哋就去咗位於旺角彌敦道726號嘅大廈，前排已經食過其中一層嘅韓國菜，發現差唔多全棟都係食肆，呢次就試吓最頂層二十五樓嘅Sky726。 lift門一打開，落地玻璃鬧市景已盡入眼簾，餐廳中間位置係酒吧，座位就分佈晌旁邊唔同位置，感覺就似圍住一個小型舞台咁。由另一個角度睇，入口附近有個用繩結編織而成嘅巴黎鐵塔，如果再企正中啲，就會出現畫晌lift門嗰對翅膀晌鐵塔間伸出嚟嘅錯覺，似乎有啲特別意思。 連後樓梯同男女廁門上都畫咗唔同嘅畫作，幾有型格。 餐廳最尾係廚房，可透過半身玻璃窗一睹廚師工作嗰陣嘅風采。 最吸引人嘅地方係呢列落地玻璃，自問經常去旺角，卻係首次居高臨下咁欣賞佢嘅景色。嗰日仲係日落時分，景致醉人浪漫，都幾適合情侶。 睇過靚景，係時候將焦點放返晌餐牌上。佢哋細分咗幾個類別，包括沙律、前菜、湯、配菜、主菜同甜品，亦提供數款由三百多到四百嘅set dinner，另有平板電腦俾人揀cocktail類飲品。 侍應先安排咗餐包俾我哋，麵包經烘暖質感鬆軟，可以配橄欖油同黑醋汁一齊食。 Very Berry，餐牌寫係用士多啤梨、藍莓、紅桑子、鮮
好姐妹轉新工有一段時間，沒都無好好同佢慶祝一下。呢晚我哋就去咗位於旺角彌敦道726號嘅大廈，前排已經食過其中一層嘅韓國菜，發現差唔多全棟都係食肆，呢次就試吓最頂層二十五樓嘅Sky726。
lift門一打開，落地玻璃鬧市景已盡入眼簾，餐廳中間位置係酒吧，座位就分佈晌旁邊唔同位置，感覺就似圍住一個小型舞台咁。
由另一個角度睇，入口附近有個用繩結編織而成嘅巴黎鐵塔，如果再企正中啲，就會出現畫晌lift門嗰對翅膀晌鐵塔間伸出嚟嘅錯覺，似乎有啲特別意思。
連後樓梯同男女廁門上都畫咗唔同嘅畫作，幾有型格。
餐廳最尾係廚房，可透過半身玻璃窗一睹廚師工作嗰陣嘅風采。
最吸引人嘅地方係呢列落地玻璃，自問經常去旺角，卻係首次居高臨下咁欣賞佢嘅景色。
嗰日仲係日落時分，景致醉人浪漫，都幾適合情侶。
睇過靚景，係時候將焦點放返晌餐牌上。
佢哋細分咗幾個類別，包括沙律、前菜、湯、配菜、主菜同甜品，亦提供數款由三百多到四百嘅set dinner，另有平板電腦俾人揀cocktail類飲品。
侍應先安排咗餐包俾我哋，麵包經烘暖質感鬆軟，可以配橄欖油同黑醋汁一齊食。
Very Berry
$70
41 瀏覽
0 讚好
0 留言
Mojito，呢個係用鮮青檸、薄荷葉、Bacardi Carta Blanca、Angostura Bitters、梳打水同糖漿調配。青檸同薄荷葉味道突出，然後係帶啲苦澀但討好嘅酒香，對於唔太識飲酒嘅人嚟講係入門級選擇。
煙三文魚沙律，切成薄片嘅青瓜圍住外邊，中間分別放咗煙三文魚、紅洋蔥、車厘茄、酸豆同雜菜。從呢個角度睇煙三文魚仲有啲似朵玫瑰花，蔬菜鮮嫩爽口，配上廚師自家製醬汁，食落清新。
燒番茄大茴香雞絲濃湯，中間放咗啲雞絲，湯內係滿滿嘅番茄蓉，對我嚟講幾啱胃口。
香煎鵝肝伴青豆蓉焦糖洋蔥，呢道菜嘅擺盤非常靚。鵝肝灑有蔬菜等等，底層墊有用焦糖炒過嘅洋蔥，入口即溶而帶焦香，碟上仲有creamy嘅青豆蓉同埋酸酸哋、甜甜哋嘅醬汁，蘸少少一齊食可以將鵝肝嘅膩感中和。
煎慢煮煙燻羊冧
$268
38 瀏覽
0 讚好
0 留言
扒波托貝洛蘑菇雜菜配香草意大利粉
$158
33 瀏覽
0 讚好
0 留言
焦糖燴啤梨，平時成日食紅酒燴嘅，用焦糖燴就係第一次試。啤梨入味香甜，同酸勁十足嘅紅桑子、脆口嘅杏仁片同混入呍呢嗱籽嘅雪糕一齊食，甜度平衡。因為我自己偏好酸味食物，所以較喜歡平時嘅紅酒燴啤梨多啲啲。呢度無論係環境、食物賣相都好靚，可以晌每道菜中睇得出廚師嘅心思，服務上亦可以講係一絲不苟。
張貼
