影片
更多
2018-03-25
59 瀏覽
最近一直都想搵一間好食好味又抵食嘅蠔吧。之前聽朋友推介尖沙咀係山林道有一間好隱蔽嘅餐廳，除咗食蠔之外佢嘅海鮮都好新鮮。今日決定同男朋友黎試吓。Season plus嘅位置的確有啲偏僻，如果唔仔細搵嘅話平時好難會到入嚟呢邊。但出奇地咁偏僻嘅地方竟然差不多全場滿左，裝修亦都好靚，坐得舒適，而我就鍾意坐室外，好feel啲嘛～一場黎到冇理由唔嗌佢嘅生蠔拼盤㗎喎。生蠔拼盤一打十二隻仲奉送白酒一支都只係$198。價錢相當抵食之餘亦可以加＄49升級美國中碼生蠔，又或者可以加少少錢升級白酒，我哋今次就試咗佢原本個款生蠔先。生蠔唔算係特別肥美，但係夠新鮮，帶少少海水味同小小金屬味，配埋白酒真係一流呀。除咗叫生蠔之外呢度亦都有海鮮拼盤比大家選擇。侍應亦都非常細心會提供膠手套同埋鉸剪去俾你食海鮮。哩個海鮮拼盤就有龍蝦，磯煮鮑魚，加拿大翡翠螺，小龍蝦等等。我哋叫嘅冷海鮮拼盤就食得出佢選用嘅海鮮都非常之新鮮，肉質鮮甜爽口。食完咁多冷盤之後梗係嗌返啲熱食試吓啦。今次試左佢個main course慢煮美國安格斯厚切牛柳。個人認為熱食冇海鮮咁好食，厚切牛柳嘅肉質亦都有少少un。都係建議大家黎season plus選擇
Season plus嘅位置的確有啲偏僻，如果唔仔細搵嘅話平時好難會到入嚟呢邊。但出奇地咁偏僻嘅地方竟然差不多全場滿左，裝修亦都好靚，坐得舒適，而我就鍾意坐室外，好feel啲嘛～
一場黎到冇理由唔嗌佢嘅生蠔拼盤㗎喎。生蠔拼盤一打十二隻仲奉送白酒一支都只係$198。價錢相當抵食之餘亦可以加＄49升級美國中碼生蠔，又或者可以加少少錢升級白酒，我哋今次就試咗佢原本個款生蠔先。生蠔唔算係特別肥美，但係夠新鮮，帶少少海水味同小小金屬味，配埋白酒真係一流呀。
除咗叫生蠔之外呢度亦都有海鮮拼盤比大家選擇。侍應亦都非常細心會提供膠手套同埋鉸剪去俾你食海鮮。哩個海鮮拼盤就有龍蝦，磯煮鮑魚，加拿大翡翠螺，小龍蝦等等。我哋叫嘅冷海鮮拼盤就食得出佢選用嘅海鮮都非常之新鮮，肉質鮮甜爽口。
食完咁多冷盤之後梗係嗌返啲熱食試吓啦。今次試左佢個main course慢煮美國安格斯厚切牛柳。個人認為熱食冇海鮮咁好食，厚切牛柳嘅肉質亦都有少少un。都係建議大家黎season plus選擇佢哋性價比最高嘅海鮮食啦😊
張貼
