影片
更多
2013-10-03
981 瀏覽
登記咗openrice一段時間, 竟然camden town會係我食評既處子之作, 真係始料不及......每次到西貢, 我都必定會到Camden Town. 有時想relax一下, 還會專程駕車入黎, 吃一份fish n chips, 飲一杯凍飲, 消磨一下時間. 他們的service可算是不過不失, waiters沒有笑面迎人, 亦不會黑口黑面. 反正又不是去五星級酒店, 沒有好好既service我從來都唔介意, 我比較著重食物水準, 所以我以往經常都來幫襯. 可是今日所發生的事, 令我以後都唔會再黎!!!! 今日係假期, 西貢都係咁人頭湧湧, 好多食肆都大排長龍, camden town當然都唔例外. 我地一行三人大約兩點半黎到, 當時店面已經滿座. 但食客都好守秩序, 自動自覺響餐廳對開路面排隊等候入座. 我地大約等咗十分鐘就有位. 但其實等候時間應該可以再快啲, 因為其實有好多幾枱客都係坐得一兩個人, 但就坐住四人枱. 最誇張既就係一家三口坐兩張四人枱. 但店員並無好好安排座位, 所以啲客都係亂咁坐. 如果店員響座位安排方面做得好啲, 我相信平均輪候時間可以縮短好多.但
每次到西貢, 我都必定會到Camden Town. 有時想relax一下, 還會專程駕車入黎, 吃一份fish n chips, 飲一杯凍飲, 消磨一下時間.
他們的service可算是不過不失, waiters沒有笑面迎人, 亦不會黑口黑面. 反正又不是去五星級酒店, 沒有好好既service我從來都唔介意, 我比較著重食物水準, 所以我以往經常都來幫襯. 可是今日所發生的事, 令我以後都唔會再黎!!!!
今日係假期, 西貢都係咁人頭湧湧, 好多食肆都大排長龍, camden town當然都唔例外. 我地一行三人大約兩點半黎到, 當時店面已經滿座. 但食客都好守秩序, 自動自覺響餐廳對開路面排隊等候入座. 我地大約等咗十分鐘就有位. 但其實等候時間應該可以再快啲, 因為其實有好多幾枱客都係坐得一兩個人, 但就坐住四人枱. 最誇張既就係一家三口坐兩張四人枱. 但店員並無好好安排座位, 所以啲客都係亂咁坐. 如果店員響座位安排方面做得好啲, 我相信平均輪候時間可以縮短好多.
但係都冇所謂啦, 反正坐低咗我地就叫嘢食. 黎得呢度當然係食最馳名名既fish n chips啦. 呢度既炸魚炸漿好薄, 肉裏既魚肉亦夠嫩滑. 調味方面不太重手, 係我喜歡既style. 暑條方面就不過不失, 今次有啲overcook咗啲. 另外亦有點佢地既牛肉包, 之前見過佢既既牛肉包既牛肉扒係自家制既, 雖然唔算鮮味, 但都有啲肉汁, 唔會好似連鎖式快餐店果啲漢堡扒咁乾, 加埋芝士味道更好.
食下食下, 大約到咗三點左右. 出面排隊等位既食客越黎越多, 大約有十幾人排緊隊. 過咗一陣, 有一行六人既外國人黎到企咗響門口既另一邊, 其中一位外籍女士走入店裏面同店員講咗兩句, 咁啱門口左邊有張大枱既客人埋單離開, 果位女士響店面出黎時就指住果張大枱, 向佢既友人示意佢地可以坐果度. 但當時排隊排頭位既一對夫婦見有吉枱就走咗埋去坐低, 果個外籍女士就向果對夫婦表示張枱係佢地既, 叫佢地讓座.
果對夫婦唔知頭唔知路就起咗身, 而果班外籍人士就入黎坐低響張大枱度. 響呢個時候有個排緊隊既男人就走入去店面問個waitress點解班外籍人士一黎到就有位坐唔駛排隊. 個waitress話呢班人之前黎過話留枱, 所以佢地返黎就即刻俾枱佢地. 我見個男人同個waitress理論咗幾句, 呢個時候廚房入面個男廚師就同個男人講＂冇人叫你排架喎，你可以唔排架喎＂之類既說話. 之後個男人就氣沖沖同佢既朋友走咗冇繼續等位.
老實講, 雖然我係食住嘢當戲咁睇, 但其實我都好明白排緊隊既人既心情, 因為我都係排咗一輪熱到成身汗先有得坐低食嘢. 如果我排排下見到有人可以唔駛排隊一黎到就有得坐低既, 然之後仲要個廚房佬咁樣寸我既, 我肯定會同個廚房佬開拖囉!!!
我覺得呢件事完全係因為食店方面安排失當所造成. 食店做留枱係冇問題, 但係你一係就淨係做留枱, 一係就淨係做排隊. 如果排緊隊既人知道有得留枱既話, 相信冇人願意戇居居響烈日當空下排隊掛??
如果你又要做留枱但又要人排隊既, 麻煩你就安排方面做好啲. 例如你可以話俾排緊隊既人知道除咗排佢地前面既人之外, 仲有幾多人響佢地前面係留咗枱既. 又或者, 當有留枱既人到咗而你要俾枱佢時, 你最起碼都要同排緊隊既人交代一聲. 而唔係要佢地眼白白睇住有啲人遲黎先上岸, 自己就曬到頭頂都出煙等開餐囉!!!
西貢區大把好嘢食, 如果camden town唔好好地改善佢地既入座安排同待客之道, 我相信佢地唔會留到回頭客囉! 起碼我就係被佢地既服務趕走!!!
張貼