影片
更多
2022-02-13
456 瀏覽
今日中午同老婆行完山，一路沿海濱長廊回家，諗住返屋企沖完涼先食午餐，但經過藍塘傲地下一排面向海嘅餐廳，就俾佢地吸引住，雖然今日天氣唔係陽光普照，但係坐喺度望住個海，食下飯傾下偈又係好吸引好寫意，呢區有兩間都食過，今次就直接去 Bacaba 試吓😃我哋到嘅時候，揀左門口中間面向海最靚嘅枱坐底😍睇完餐牌，原來 Bacaba 係一間食多國菜嘅餐廳，見到難得有土耳其烤肉，二話不說就要左一個烤羊肉跟薯條配鷹嘴豆泥醬，另一個係烤雞肉跟飯配芥末醬，再加兩杯1664生啤慢慢hea下🍺兩個主菜份量唔少，烤肉味道好香，兩個醬同烤肉又非常夾，個人幾喜歡個鷹嘴豆泥蓉，我想暫時TKO應該只有呢度可以食到😋食完飯同老婆仲嘆緊啤酒傾偈時，一個貌似中東人(應該係老闆)走埋嚟介紹我哋試吓佢哋嘅甜品，特別指明一個 Banana Pie，我哋當時其實都飽了，但係盛情難卻，所以要左一個，個甜品又係好大件，四個人都夠食，賣相幾好，最底層個餅底用類似纖維餅碎做，再配有一層拖肥朱古力，香蕉及忌廉砌上去，老闆仲打趣同我哋講每一啖都有兩萬卡路里，真係幾邪惡，不過間唔中一次，開心下冇所謂😅成日都話天時地利好重要，有好環境嘅餐廳自然吸引到
我哋到嘅時候，揀左門口中間面向海最靚嘅枱坐底😍
睇完餐牌，原來 Bacaba 係一間食多國菜嘅餐廳，見到難得有土耳其烤肉，二話不說就要左一個烤羊肉跟薯條配鷹嘴豆泥醬，另一個係烤雞肉跟飯配芥末醬，再加兩杯1664生啤慢慢hea下🍺
兩個主菜份量唔少，烤肉味道好香，兩個醬同烤肉又非常夾，個人幾喜歡個鷹嘴豆泥蓉，我想暫時TKO應該只有呢度可以食到😋
食完飯同老婆仲嘆緊啤酒傾偈時，一個貌似中東人(應該係老闆)走埋嚟介紹我哋試吓佢哋嘅甜品，特別指明一個 Banana Pie，我哋當時其實都飽了，但係盛情難卻，所以要左一個，個甜品又係好大件，四個人都夠食，賣相幾好，最底層個餅底用類似纖維餅碎做，再配有一層拖肥朱古力，香蕉及忌廉砌上去，老闆仲打趣同我哋講每一啖都有兩萬卡路里，真係幾邪惡，不過間唔中一次，開心下冇所謂😅
成日都話天時地利好重要，有好環境嘅餐廳自然吸引到新客源，包括今日嘅我，只要食物質量唔太差，服務到位，自然都會儲到熟客，如果呢度 weekend 提供埋 Lunch 或 Brunch Set，相信會更有性價比👋
張貼
