Pizza Piazza (已結業)

呢頭多平民餐廳,星期六想食餐好,於是黎左間性價比高既隱世餐廳。餐前有個意大利包同一碗餐湯,令我有飽足感,食完個包就可以食主菜啦!叫左個西班牙厚切豬排,煎得好香,一個人食岩岩好呀,肉質好結實,本身唔太中意薯條,但呢個係用甜薯炸既,甜薯既成份比較好,幾健康。個沙律都唔錯,中意黑醋加沙律。飲品就叫左意大利餅朱古力沙冰,好明顯有好多餅碎,幾特別。個STRAW係鋁做,好環保咁。午市呢頭都多人黎食,星期六既午餐都幾抵,又唔洗點等位,都幾近MTR,唔錯唔錯!有機會想食呢度既終極BURGER,好邪惡好好味咁呀!如果有朋友就可以叫個PIZZA黎SHARE啦,一個人始終都驚食唔晒,難怪多數都係一家人或一班朋黎食。