Pizza Pan

營業中

休息中

宵夜時間，同朋友行完街行行下見到有個好似商場既地方有野食就走左入去啦～都幾隱閉下，哈哈，朋友問我想食乜，我就答左佢不如食pizza，之後就去左間叫pizza pan既餐廳，職員好有禮貌甘同我講個餅底未解凍好所以要等耐少少先有得食，我地叫左個黑椒牛肉牛油果沙律，都幾大碟嫁，牛肉同牛油果既配搭都幾得意，沙律既菜由幾款不同菜組成。如果沙律醬可以用第二款沙律醬可能會更好味，呢款食落有少少酸，不過就幾開胃甘。叫左支peroni意大利啤酒試下，味道唔算好苦都幾易入口嫁，餐廳既裝飾好有歐陸氣氛，又有愛琴海，又有好似復古色彩既書櫃背景，最大賣點係有個大型電視屏幕投影可以睇到英超足球聯賽或其他足球賽事岩晒鐘意睇波既球迷。pizza終於到，職員又好有禮貌地不停講唔好意思仲請左我地飲汽水補數tim haha,多謝晒。食肉獸pizza都幾多好味嫁，一啖一口甘，不過如果可以再大個d就好啦～哈哈。