Pizza Pan

營業中

休息中

尋晚夜左收工，個肚又打鼓中，咁就一定要醫完佢先返屋企啦，其實而家觀塘工業區呢邊夜晚都好靜，想搵美食唔係好難。行到鴻圖中心，見到呢間Pizza Pan 環境幾好，又無乜人，同同事坐低吹吹水食飽飽先各自回家。呢度有個大電視播緊現場足球，應該一大班人係度都幾開心愉快，咁我地叫左個二人套餐～食肉獸pizza、蕃茄大蝦意粉、芝士焗田螺同埋2罐西柚梳打。個pizza真係一流，皮薄、餡多味道好，個田螺d芝士好creamy好軟好滑、蕃茄大蝦意粉就因為我地遲食而放凍左，但味道都係出色既。講返呢度環境，坐得舒適、燈光足夠同埋員工都好nice, 我同同事就係咁ot完係度吹水吹足2個鐘，大家帶着個飽飽肚返屋企。