The Point Kitchen (奧海城二期) (已結業)

The Point Kitchen (奧海城2期) (大角咀)大角咀海庭道18號奧海城2期1樓105A號舖-----The Point有好幾間分店，當中個人最中意就係呢間歐式小餐館風裝潢嘅奧海城分店。作為香港首批紅起嘅意大利連鎖，雖然係香港開咗好多年，但個人依然幾中意。🍕夏威夷烤雞披薩Pizza一直係佢地嘅主打，即叫即做需時耐少少，但美味係值得等待的，餅底用意大利麵粉製作，麵糰綿密中帶點煙韌，幾乾爽，唔會油膩膩咁。Pizza口味order咗夏威夷烤雞，有大量芝士🧀、三色椒、洋蔥🧅、菠蘿🍍及雞塊，調味偏向港式風味，係小時候食開的味道。🥂香蒜辣椒白酒炒大蜆大蜆飽滿無沙，加入車厘茄、大蒜、辣椒、酒調味，酸酸地幾開胃，配搭嘅迷迭香多士同Pizza係同一個麵團，一樣係綿密富彈性，簡單用迷迭香提味已不錯。🐱烏魚子海鮮肉醬意大利貓耳朵麵這到菜式中，醬汁是配角，貓耳朵麵才是主角。醬汁帶微微鹹香，質感濃稠，主角貓耳朵麵形狀呈一個個小圓形，口感煙韌非常，麵粉香氣亦突出，平日如果中意食芋圓、刀削麵的話，呢個滿滿澱粉感嘅質地應該會很對你胃口。