California Pizza Kitchen (屯門市廣場1期)

營業中

休息中

屋企人想食pizza,今日黎呢度試下。一入到門口，就被開放式廚房的烤爐所吸引，烤出的pizza應該有一定的水準。我地點左 Thai crunch泰國風味爽脆沙律（半份）估唔到半份的份量都幾多，有紫椰菜，羽衣甘藍和紅蘿蔔絲等，加上雞腿肉，拌上泰式沙律醬，超級惹味又開胃。另外還加上脆卜卜的花生和枝豆，增添口感。意大利特色薄餅the works一個pizza,有晒最經典的意式元素，意式肉腸、辣肉腸、蘑菇、黑水欖。加埋面度的馬蘇里拉芝士和奧勒岡香草，食落去好有驚喜。薄餅邊得黎帶少少脆煙韌帶焦香，中間則柔軟濕潤，果然高質，大家都食得好滋味。另外呢度的特飲都好岩飲口味，Exotic caribbean海盜蘋果，菠蘿，芒果汁加士多啤梨蓉，飲落好清新，好有熱帶風情。straw lemonade飲落超夠氣。熱情果的酸甜果香，加上淡淡的蜜桃和士多啤梨香氣，飲落有不同的層次，漸變的橙紅色，望落超吸晴。呢度pizza絕對出色，環境又夠chill,好岩一家人黎食餐飯，放鬆一下。