影片
更多
2021-11-02
274 瀏覽
因為崇光感謝祭所以去行咗一圈，上面放完血見仲有時間就去下面超市行吓，自從唔再喺銅鑼灣住，就已經好多年冇去崇光。個超級市場都變咗好多，唯一冇變嘅就係仲係好多特別嘅美食。今次見到呢間用酥皮整嘅鯛魚燒，單買$20一個，買五送一崇光感謝祭做緊$100 ，四種味道：紅豆，綠茶，朱古力，同埋吉士，見咁抵食，就買咗6個：三個朱古力，兩個綠茶，同一個紅豆，因為屋企冇人鍾意食吉士，所以冇試。可能我自己本身都好鍾意食酥皮，所以覺得呢個鯛魚燒超好食，冇餡嘅地方卜卜趣，有餡嘅地方雖然林身d但依然非常美味！比起平時似蛋糕質感嘅傳統鯛魚燒，呢個真係香口美味好多，而且凍食都唔覺得味道差咗，相反嗰啲啱啱焗起嘅傳統鯛魚燒，如果唔係即刻食，就會好易焗到發水，所以我覺得呢個酥皮鯛魚燒冇得輸！同一間舖頭都有章魚燒賣， $48/8粒，又係大大粒好好味！連成個食家咁款嘅大公主都話超好食，佢話無論你喺邊度買都好，呢隻章魚燒超好味🙄🤣
今次見到呢間用酥皮整嘅鯛魚燒，單買$20一個，買五送一崇光感謝祭做緊$100 ，四種味道：紅豆，綠茶，朱古力，同埋吉士，見咁抵食，就買咗6個：三個朱古力，兩個綠茶，同一個紅豆，因為屋企冇人鍾意食吉士，所以冇試。
可能我自己本身都好鍾意食酥皮，所以覺得呢個鯛魚燒超好食，冇餡嘅地方卜卜趣，有餡嘅地方雖然林身d但依然非常美味！比起平時似蛋糕質感嘅傳統鯛魚燒，呢個真係香口美味好多，而且凍食都唔覺得味道差咗，相反嗰啲啱啱焗起嘅傳統鯛魚燒，如果唔係即刻食，就會好易焗到發水，所以我覺得呢個酥皮鯛魚燒冇得輸！
同一間舖頭都有章魚燒賣， $48/8粒，又係大大粒好好味！連成個食家咁款嘅大公主都話超好食，佢話無論你喺邊度買都好，呢隻章魚燒超好味🙄🤣
$40
10 瀏覽
0 讚好
0 留言
張貼
