Aussie Grill by Outback (已結業)

呢間係outback公司開嘅一間貼近快餐形式嘅餐廳 今日就嚟咗試吓佢嘅特色😗見到佢門口有下午茶餐 但好可惜嘅係我地嚟到啱啱過咗鐘 所以miss咗個tea set🥺 主菜可以免費配一款配菜嘅 而主菜方面我地嗌咗兩份burger 兩份其他菜式😺煙肉大爆炸芝士牛肉漢堡 牛肉漢堡都算幾juicy 最開心嘅係佢嘅煙肉幾香脆😇 但就食唔到佢點樣大爆炸法😂醬燒牛肉層層疊漢堡 呢個就入面有好多片碎濕濕嘅牛肉係個包入面 一咬都會跌哂出嚟😅 但啲牛肉都幾好食美國和牛切片西冷 呢碟令人較失望 冇和牛咁有油香 上碟時又凍晒😐 而且牛肉味唔濃郁 burger既牛肉漢堡仲重牛味過呢碟😵‍💫燒肉醬味豬肋骨 呢碟去親outback都必叫 醬汁都幾多 肉質較腍 但令人好容易將肉同骨分開 都幾方便食😋配菜方面 我地嗌咗炸薯條 手工薯片 特色雞味飯 個人覺得手工薯片最有特色👻