匯豐卡食夠$350有九折，叫抵d~ 同埋餐廳好似快餐店咁，係自助形式~
香辣火山脆蝦 $56
乜美國人食到咁辣嘅咩？😝 連我食得辣嘅男朋友都話呢個蝦好鬼辣，雖然好辣，但係都會令人食到停唔到，炸蝦好脆口好惹味！
脆蝦牛肉芝士漢堡 配 手工薯片 $128
漢堡包身唔夠鬆軟，牛肉都唔夠juicy同香，正常發揮嘅漢堡。
手工薯片每塊都好厚，落咗勁多鹽，鹹到要洗腎🥵 厚切雖然有口感啲，但我都係鍾意平時薄薄地成塊擺落口嘅感覺！
1
醬燒牛肉層層疊漢堡 配 薯條 $118
唔明點解BBQ醬都可以辣🤣 肉嘅份量，一啲都唔少，真係有層層疊嘅效果，但又唔算特別好食，牛肉冇乜牛味。
薯條啱啱炸起，熱辣辣，係厚切薯嚟，好食不過都係太多鹽😂 呢款厚粗薯條有個唔好處係凍咗會勁難食！
burger嚟講有太多選擇，呢間就未必會encore啦😐😐
