Orange Tree (已結業)

是日小弟生日， 女朋友就經eat it go 訂左呢間餐廳， 餐廳位於蘭桂坊地段,主要推荷蘭菜式。餐廳佈置憂雅，每枱上皆用上鮮花同蠟燭精心佈置， 頗有氣氛，加上晚上客人唔多，所不失為同另一半慶祝生日或重要日子的好選擇。今晚我地叫左一份頭盤、兩份主食、 一份意粉再加份甜品；飲品方面就叫左一杯Asahi ,一杯普通咖啡再加一杯熱檸水，跟住就等我為大家逐一介紹。頭盤： 帶子蔬菜沙律份量雖然唔算多但絕對屬質量之作，蔬菜選料新鮮，另外帶子外層用上巴拿馬火腿再煎，帶子表層煎到脆身，一咬落口肉汁出晒黎，建議小口品嚐，唔好一口食晒。主食：芝士波菜羊架睇完個名大家肯定覺得奇怪，芝士波菜羊架係乜玩法。其實芝士波菜係會用另外一小鍋上既，唔會同羊架撈埋，而味道屬水平之作。至於羊架就值得一讚，羊架有3件約手掌大，肉質鮮嫩多汁，而且配菜番茄同洋蔥都好好味，另外會有海鹽同醬汁配羊架。不建議大家先原味試一口羊，之後試鹽，最後先用醬汁。個人認為用鹽係最好食既， 大家不妨一試。煎魚餐單上魚類料理得兩款，我地都係問廚師推介，味道屬中規，但係配菜既紅蘿蔔、小蕃茄味道好鮮，搶左條魚唔少風頭。海鮮意粉海鮮材料有鮮蝦、魷魚、青口，