影片
更多
2016-08-30
267 瀏覽
最近公司出多左次 bonus，決定請男朋友食返一餐好 =] 聽親戚講，" 寿司の神 " 值得一試，就一於去食下！呢間餐廳係由師傅發辦，以 Omakase 為主，提供高級料理比食客；店內坐位數目唔多，我諗大概可以坐到 20-30 個人到。成程由師傅發辦，不過事先佢問左我地唔食d 咩，我同男朋友都唔食鰻魚，就講左比佢知。 一開始，先來前菜：有宮城縣蕃茄和靜岡粟米，呢個生粟米超級爽甜，而蕃茄上面既洋蔥，加上酸甜既醬汁，十分開胃 =] 接住就來，小長井生蠔， 帶有微甜，唔會鹹，肉質超肥美，滑中帶爽既口感，好滿足！ 然後就到刺身，一共有 5 款；螺十分爽脆、煙韌，而深海池魚及牡丹蝦肉質爽滑！最中意就係拖羅，魚味濃郁，入口即溶，而且油份豐富，很甘香 =] 之後就有條 "燒香魚"，真心燒得超香，肉質鮮嫩，帶有少少咸味，唔錯！ 之後就黎一盆壽司，有北寄貝、伊左目、燒左口魚邊、筋子同海膽；最吸睛當然係筋子同海膽 ！筋子當中既魚子粒粒晶瑩飽滿，賣相極之吸引，食上來亦相當有鮮味 =]至於海膽，色澤吸引，海膽味道都算香濃、甜美。 壽司後，就黎雜錦天婦羅，天婦羅有多款蔬菜，包括 南瓜、冬菇、蕃薯、炸原隻虎蝦 =
聽親戚講，" 寿司の神 " 值得一試，就一於去食下！
呢間餐廳係由師傅發辦，以 Omakase 為主，提供高級料理比食客；
店內坐位數目唔多，我諗大概可以坐到 20-30 個人到。
成程由師傅發辦，不過事先佢問左我地唔食d 咩，我同男朋友都唔食鰻魚，就講左比佢知。
一開始，先來前菜：有宮城縣蕃茄和靜岡粟米，
呢個生粟米超級爽甜，而蕃茄上面既洋蔥，加上酸甜既醬汁，十分開胃 =]
接住就來，小長井生蠔，帶有微甜，唔會鹹，肉質超肥美，滑中帶爽既口感，好滿足！
然後就到刺身，一共有 5 款；螺十分爽脆、煙韌，而深海池魚及牡丹蝦肉質爽滑！
最中意就係拖羅，魚味濃郁，入口即溶，而且油份豐富，很甘香 =]
之後就有條 "燒香魚"，真心燒得超香，肉質鮮嫩，帶有少少咸味，唔錯！
之後就黎一盆壽司，有北寄貝、伊左目、燒左口魚邊、筋子同海膽；最吸睛當然係筋子同海膽 ！
筋子當中既魚子粒粒晶瑩飽滿，賣相極之吸引，食上來亦相當有鮮味 =]
至於海膽，色澤吸引，海膽味道都算香濃、甜美。
壽司後，就黎雜錦天婦羅，天婦羅有多款蔬菜，包括 南瓜、冬菇、蕃薯、炸原隻虎蝦 =]
我同男朋友最中意就係原隻虎蝦，肉質紮實，爽口彈牙兼啖啖肉！
來到最後，脆玉瓜魚湯，味道鮮甜，好有回家飲湯既感覺！
而甜品方面，完全無得輸，綠茶布甸 + 蕃薯雪糕！綠茶布甸唔會太甜，配上少少苦既綠茶醬，味道剛剛好 =]
而蕃薯雪糕真心正，有好濃烈既蕃薯味，別有一番味道！
最後埋單，每人 $900，預計之內；不過如果以同區比較，價錢會有點貴。
呢度食材新鮮，如果想食豪D / 慶祝既話，可以值得一試！
張貼
