甜聚雪花冰甜品屋 (已結業)

食完飯同朋友喺附近搵糖水食，由於時間尚早，應該冇乜人咁早食糖水，所以成間舖都冇乜人，坐得幾舒服。餐牌上面都幾多選擇，由雪糕到棉花冰到豆腐花到傳統中式糖水都有，但係因為天氣轉涼，加上少左食凍野，都係揀返啲中式傳統糖水。我揀咗芝麻糊，朋友揀咗熱嘅香芋丸子豆腐花。個芝麻糊還可以，冇乜芝麻味，但都算幾滑，而且唔會太甜，因為好驚食啲甜到漏嘅糖水。朋友食嘅香芋丸子豆腐花唔錯，d丸子夠煙韌，配香滑豆腐花嘅口感不錯。