譚仔三哥米線 (希爾頓中心) (已結業)

每個星期都會同同事嚟一次食晏。最近消委會出報告指三哥米線鈉超標，我哋即日就再嚟一次其實出街食嘢你都預咗係咁，個湯應該係最勁嘅，但冇人叫你當個湯底係阿媽煲嘅湯就咁飲。呢度食晏時間人多，特別係附近多學生，我哋五六個人嚟食通常都要等10分鐘左右，遇著學校假期就會少啲人。可能因為人多繁忙，呢度阿姐不時會落錯單，又或者廚房會出錯嘢，要小心留意。嘢食方面其實好似你去連鎖快餐店咁，你都預計到味道同質素會係點，正正常常就可以了。三哥配菜選擇多，米線有咬口，麻辣四小就啱我口味。