池記 (已結業)

睇完絕代商驕真係想食返個細蓉套餐有好多野食, 其實都幾抵下, 小食卻不小呢!份量唔似跟餐,似散叫!金衣蟹皇粥 : 用木筒盛載, 賣相好靚! 足有成隻蟹!除左蟹, 粥亦有蟹皇和少許的蟹肉。粥底好綿, 夠味; 唯獨蟹皇味未能滲入粥內, 粥係好味, 但唔係因為蟹皇囉。炸鯪魚肉米通 : 好新鮮! 熱辣辣! 鯪魚球的面包滿米處再炸, 所以脆卜卜! 鯪魚球好彈牙, 唔係混合粉漿的貨色, 真材實料, 推介!豉油皇蝦子炒撈麵 : 幾香, 蝦子味突出, 麵質爽, 但有缺點! 麵一放涼後就變苦, 鹼水味好重, 所以都唔合格。雲吞腩汁撈麵 : 呢個令我非常失望, 估唔到池記的招牌雲吞麵都唔夠好味。雲吞雖然爽脆,而且食得到粒粒蝦, 但係雲吞皮過冧, 吃不到雲吞皮的香味和滑嫩的質感。蝦和肉的味道都不算突出, 肉的鮮味更加可以話係冇! 只屬一般貨色……腩汁不香, 也不足以撈麵同食, 要自己加菜果D蠔油!(+$2)豆漿 : 豆漿好香好好味! 仲有少少腐竹浮面, 甜度適中。不過豆味不濃,反而似腐竹糖水!但都好好味!睇見人地食果個菜飯好正!下次試下!