日本白桃Happy Pouch $68
1
上面最頂既日本白桃真係又甜又多汁，不過太細舊。下底就係忌廉，好彩中間都有少量白桃肉。最下底原來有兩層海綿蛋糕，就非常普通。外皮係薄，不過都係無特別。
紅桑子慕絲堂島卷 $55
呢款揀比小朋友，當然係貪佢既可愛Melody造型。Melody造型其實係士多啤梨慕絲，塊面同蝴蝶結都係朱古力，慕絲都滑溜，味道酸酸甜甜，都唔錯。不過原來下面有少少朱古力慕絲，就奇怪左少少。最下底既卷蛋都算濕潤而唔會太硬，中間有好多忌廉，外面既粉紅色忌廉特別滑溜同酸酸咪咪。總括而言，味道都唔錯。
雙層芝士蛋糕 $58
真係清晰見到兩層，上面似忌廉芝士，外皮仲有薄薄外層蛋糕碎碎，食落好滑溜，非常輕盈。唔錯唔錯。
脆皮杏仁朱古力蛋糕 $58
脆皮杏仁朱古力蛋糕外皮有一層都幾厚既脆脆杏仁朱古力外皮，入面有清晰既5層，包括3層朱古力海綿蛋糕，入面再有少少比利時朱古力碎，同一層朱古力忌廉，食落有層次感同口感，而且帶非常之濃既朱古力味，朱古力迷必試。
1
試咗幾款蛋糕，除咗最貴既日本白桃Happy Pouch，其他都唔錯，不過價錢唔平。
