太興 (企業廣場)

營業中

休息中

今日有嘢做晏咗食飯，老公之前已經食咗嘢，佢陪我嚟到呢個mall，唔知食咩好，太興都算多選擇，入去坐低未夠兩點，可以午餐，也可以等一陣有下午茶。呢度有對外望到外面環境嘅座位，好開揚，也有大量卡位，二人卡位都坐得舒服。先叫一個午餐，滿燻鵝絲雪菜炆米粉，好耐冇食雪菜炆米，師傅手勢唔錯，抄得好香，熱辣辣，好好味，如果鵝絲再多啲就更理想。個餐包飲品，叫咗杯熱奶茶，花奶份量夠，茶也夠香濃，有水準。過咗兩點可以叫下午茶，茶餐雞蛋西多士，西多士好大件好厚，糖漿任落，新鮮炸起好香口。加三蚊飲凍奶茶，原來呢度係冰鎮奶茶，正呀！午餐都有燒味飯，太興燒味出名好食，外賣加餸也不錯呢。