燒肉の牛太・本陣 (H8)

營業中

休息中

今日晏晝去咗一間燒肉定食好出色嘅餐廳，餐廳近窗位置係榻榻米，可以見到尖沙咀景色，部份陽光照入嚟真係好舒服。坐低見到佢哋個燒肉爐，已經覺得好吸引😍午餐定食好吸引有10幾款，可以俾你揀。有齊沙律、配菜、紫菜、湯、甜品等等。價錢唔貴，都係百幾蚊左右。燒肉二品御膳上級牛肋肉＆上級牛脊肉非常推介呢個，因為佢哋嘅上級牛肉，真係好靚，睇落去係雪花形狀，切得好厚身，輕輕燒熟已經食到油花香☺️脂肪分布平均，亦都唔會太肥。另外都好鍾意佢哋幸福生蛋拌飯，有隻靚靚生蛋，與牛肉混合真係好香！三種烧肉御膳(牛肋肉 •橫隔肉 • 塩燒牛舌）呢個套餐好吸引，有晒三款牛，牛C真係好好食，好爽口☺️牛肋肉牛味比較重脂肪少，好香牛味送飯都係好正！佢哋嘅爐火力好猛，食得好開心❤️另外好鍾意佢哋有黑松露醬油，點少少已經好能夠帶出牛肉香味！