馬哥孛羅咖啡廳

想食lunch buffet，㨂咗好耐，最終因爲呢間有長腳蟹又有openrice 75折，所以㨂佢！一入門口，感覺非常麻麻，食物區唔大，座位區光線不足，佢唔係暗暗地浪漫feel，而家感覺唔夠電果隻feel。但行完一圈，印象改變，食物區雖然唔大但款式算多。有即煮粥同面，海南雞飯，即切羊脾同牛肉，沙律，煙三文魚，Pama ham，仲有原條蒸魚，等等等等。海鮮：我主要去食嘅長腳蟹，唔算肥美，但勝在鮮甜，唔咸，食咗好多。螺幾大隻，味道ok。蜆就完全無味。青口唔記得食。魚生：超出我想像，好多款，有三文魚，希靈魚，熟蝦，帶子，蟹柳，鮑片，北寄貝，仲有一隻唔知咩魚。講真未試過lunch buffet有咁多款魚生供應！雪糕：Movenpick，好多，有成十一隻味！甜品：得一張甜品枱好似好細，但原來都好多款，味道都唔錯。想講呢度啲侍應全部唔係後生仔女，但可能因為咁，全部都好有笑容同禮貌！仲有就係好奇怪但非常好嘅就係，呢度啲食客全部唔似去食buffet。啲人出去攞嘢食嘅次數好少，蟹腳，魚生，雪糕，全部唔駛等一出去即攞到。