Sweet 19

營業中

休息中

近排日日落雨，每到晏晝就要諗去邊食飯方便D，同事話上網發現公司附近竟然有間有花園既西餐廳，今日悶悶地就一起過來試下。服務都幾好喎，黎到門口竟然有waiter幫手開門，第一印象都幾好。Waiter話今日有新lunch menu，佢推薦我試下西班牙鮮茄香草燴豬扒，味道很好，豬扒好鬆化，加埋蕃茄酸酸甜甜，幾開胃，個豆角又幾爽口，豬扒仲有兩大塊，真係抵食，成碟轉眼已俾我食清！同事就點左肉眼，佢話D肉質都ok幾juicy，有口感，佢食得都幾開心。雖然好飽，但見到個餅櫃D餅幾吸引，竟然有黑森林同Rocky Road, 最後我地點左個栗子朱古力mousse cake, 栗子蛋糕食得多，栗子朱古力mousse就真係第一次食，呢兩樣搭配都可以哦, 不太甜，朱古力味又不會蓋過栗子味！來呢頭返工成一年都未發現呢間餐廳，經理話佢地有，18年歷史，好少做promotion，基本都係做熟客生意比較多，以前重獲選“十大浪漫餐廳”，好多客人係拍拖時過來食，宜家帶埋小朋友返嚟。下次要過來試下dinner至得。