The Stadium (已結業)

難得上午一個人去左觀塘開會可以早放Lunch, 當然要搵返間靚餐廳食餐好嘅, 享受一下呢個Long lunch啦。😙因為今日想食牛扒, 所以揀左去工廠區果邊嘅The Stadium, 之後去過銅鑼灣分店, 覺得餐廳嘅牛扒唔錯, 所以打算 Encore再嚐嚐。The Stadium觀塘店位於The Wave 4樓, 裝修以運動為主題, 走型格路線, 地方非常大, 座位寬敞舒適。Lunch嘅牛扒餐$138包括餐湯/沙律同餐飲, 價錢合理。是日餐湯今日餐湯係用白豆整嘅忌廉湯, 口感綿厚, 食到白豆蓉, 味道都幾好。烤肉眼牛扒 $138牛扒我揀左5成熟, 肉質軟嫩, 富有肉汁, 外層烤香, 配上酸酸甜甜沙律菜, 非常惹味。大大塊, 一個人食相當滿足。餐飲跟餐除左有普通餐飲之外, 仲可以免費揀選Rosemary Lemonade, Rosemary Lemonade味道清新自然。埋單連埋加一都只係$152, 價錢合理。