影片
更多
2019-12-10
62 瀏覽
今日約咗班舊同事出嚟吹水，我地都想飲返杯，我都真係幾個月都無去過酒吧飲酒啦。難得可以飲返杯放鬆下真係開心。由於大家都比較遲收工，所以都順便食埋嘢，今次揀呢間酒吧仲會有埋西餐食，我地每個人都叫咗一個dinner set再加杯嘢飲。其他人嘅嘢食我都只係輕嚐一啖所以難以評論，我就集中評論我食嘅慢煮西班牙豬鞍配鵝肝，上主菜前仲會有沙律同湯，沙律都好大碗，餐湯係羅宋湯。味道有啲酸辣，好開胃。慢煮西班牙豬鞍配鵝肝分量十足，大大塊豬鞍同鵝肝，鵝肝肥美，口感綿滑柔膩。慢煮豬鞍肉質鬆軟，內裡肉汁豐富，搭配醬汁一齊食味道更好。配菜亦都好多種類，多款蔬菜和菇類，仲有紫薯蓉，一個set食完認真飽肚同滿足。之後我地就嗌咗杯飲品，我就嗌咗招牌cocktail，西施。用中式茶杯承載，比人一種飲酒可以養生嘅感覺。味道果香味重，飲落順口。唔錯，啱我呢啲酒量低嘅人。環境方面都算幾大，算係比較靜啲，座位間隔得比較闊落，比較有私人空間。
由於大家都比較遲收工，所以都順便食埋嘢，今次揀呢間酒吧仲會有埋西餐食，我地每個人都叫咗一個dinner set再加杯嘢飲。
其他人嘅嘢食我都只係輕嚐一啖所以難以評論，我就集中評論我食嘅慢煮西班牙豬鞍配鵝肝，
上主菜前仲會有沙律同湯，沙律都好大碗，餐湯係羅宋湯。味道有啲酸辣，好開胃。
慢煮西班牙豬鞍配鵝肝分量十足，大大塊豬鞍同鵝肝，鵝肝肥美，口感綿滑柔膩。慢煮豬鞍肉質鬆軟，內裡肉汁豐富，搭配醬汁一齊食味道更好。
配菜亦都好多種類，多款蔬菜和菇類，仲有紫薯蓉，一個set食完認真飽肚同滿足。
之後我地就嗌咗杯飲品，我就嗌咗招牌cocktail，西施。用中式茶杯承載，比人一種飲酒可以養生嘅感覺。味道果香味重，飲落順口。唔錯，啱我呢啲酒量低嘅人。
環境方面都算幾大，算係比較靜啲，座位間隔得比較闊落，比較有私人空間。
張貼
