永和海鮮酒家

營業中

休息中

- [ ] 永和海鮮酒家一間好傳統local嘅酒樓。門面細細，地下嗰層得七，八張枱。原來樓上仲有二，三，四樓三層。全部人前前後後都係講廣東話好親切。星期六日工作假期都有特價嘅粥粉麵飯。煎腸粉非常出色，佢嘅蝦米同埋蔥都好多，個面煎到燶燶地。有啲似以前細個推車仔嗰啲煎腸粉。蝦餃燒賣都係傳統做法。蝦餃個皮好薄啲蝦好大隻。燒賣就係冬菇燒賣嚟，大大粒。鳳爪同埋咖喱牛筋質素都係中上之作。牛筋個底剩係得一粒薯仔，性價比超高。